Vamos amanecer entá con delles agües que van unviar mientres la mañana. Ello ye que nun se refuga que pueda apaecer dalgún claru ente les nubes. Pero, a partir del mediudía, va entrar más nubosidad dende l’occidente que se va estender al restu del Principáu col intre de les hores. Estes nubes van dexar precipitaciones que, a les traces, van ser de poca intensidá. La cota de nieve va dir xubiendo a lo llargo del domingu hasta asitiase percima de los 1500 metros pela tarde.
Los vientos van soplar de componente oeste fluexos nel interior y moderaos na mariña. Les temperatures máximes van xubir en tol occidente asturianu y van caltenese nel restu. Les mínimes, pela so parte, van xubir llixeramente en tola rexón anque ye posible que dichu ascensu sía daqué más significativu nel interior oriental.
El llunes volveremos tener cielos nublos n’Asturies con precipitaciones débiles que van ser más frecuentes de cara a la segunda parte del día. Los vientos van empezar soplando de suroeste-oeste pero, a lo llargo de tardar, van afitar de noroeste fluexos. Les temperatures nun van esperimentar variaciones importantes.
