Esposición «Tocando pieza»

 Nestos tiempos d’estadios y campos vacios, de públicu dende casa y de distancies sociales, ye un bon momentu p’allegase al axedrez, un deporte mental, posao y ensin tropiella, con muncha historia y tradición n’Asturies -Xovellanos yá fala d’ello nos sos diarios- y sobremanera en Xixón con clubes y torneos de gran sonadía y participación dende entamos del sieglu pasáu.

Esta ye una ocasión bien buena pa deprender a movese con criteriu ente peones sólidos, alfiles (buscando diagonales abiertes per onde atacar), caballos percorriendo’l tableru n’ele, torres xixilantes y realeza perdayuri, con un entamu curiosu y un mediu xuegu estudiáu pa esfrutar d’esti xuegu de movimientos reflexivos.