Día Mundial del Turismu

Como valora y caltien el patrimoniu cultural y natural, puede ayudar a amenorgar les tensiones y alimentar la convivencia pacífica. El turismu tamién puede promover la interdependencia económica ente vecinos, y afalar la cooperación y el desenvolvimientu pacíficu.

Coles mesmes, el turismu amplía horizontes. Cada persona que viaxa puede oficiar d’embaxadora, ya interactuar respetuosamente cola población local reconociendo la nuesa diversidá y la nuesa humanidá común y los valores que nos xunen a toos.

Celebrando’l turismu, viaxemos con sentíu de la responsabilidá, tendamos pontes y promovamos el respetu mutuu ente cultures y naciones.

Xuntos podemos aprovechar el potencial que tien el turismu pa promover la paz y la prosperidá en beneficiu de toos.

Anguaño’l lema de “Turismu y Paz” pel Día Mundial del Turismu tien por oxetivu fomentar el diálogu y resolver les diferencies ente les naciones por aciu la comprensión y el respetu mutuu. Esti lema” Turismu y Paz” surde del contestu bélicu actual en distintos países y la necesidá d’algamar los Oxetivos del Desenvolvimientu Sostenible (ODS) de l’Axenda 2030, particularmente l’oxetivu 16 que se titula “Paz, xusticia ya instituciones sólides” que’l so propósitu ye fomentar sociedaes pacífiques, inclusives y xustes onde se garanticen los derechos humanos pa toos, una y bones los conflictos bélicos obliguen a millones de persones a abandonar los sos llares, dexando tras el so patrimoniu, empléu, idioma, cultura, tradiciones ya inclusive a los sos seres queríos.

#Cada añu, el 27 de setiembre celebramos el Día Mundial del Turismu como un esfuerzu por reconocer el potencial d’esti sector pal desenvolvimientu de los países y les sos comunidaes. “Turismu y Paz” ye un llamáu a resolver los conflictos bélicos, recordando que’l sector turísticu, al traviés del Códigu Éticu Mundial pal Turismu, busca ameyorar les condiciones de vida, caltener la cooperación y fortalecer les economíes, ensin escaecer la protección de los derechos humanos.