- Fonte: La Voz del Trubia / LNE /
Quixo l’arrogante seronda acompañar a los moscones nel Día del Traxe nel so escenariu natural, la plaza de la Capiya de los Dolores. Un día que pon el focu d’atención na villa enllenándola de color y tradición con gran tirón pos, la espectación entorno a esta pasarela del sieglu XIX amóntase añu a añu siendo cada vez más los espectadores que llucen los sos traxes tradicionales para la ocasión.
Ayeri la pequeña Lucía d’apenes unos meses d’edá ocupaba’l so puestu nes primeres files acompañada de los sos padres y los sos cuatro güelos toos ellos afatiaos pa la ocasión.
Una amuesa especial y única que va más allá de la moda de la dómina pos los traxes que desfilen son pieces úniques y orixinales o reproducciones lo más esactes posibles de lo que foi’l vistir y el calzar de los nuesos antepasaos, dexando tantu a espertos como a profanos, lleer la hestoria del mundu rural de la dómina, costumes, sociedá, clases sociales, tantes coses y toes tan interesantes y arriquecedores que nos dexen interpretar aquella realidá a partir d’aquelles ropes. Anguaño presencia vaqueira, la d’Almudena González y Daniel Fernández que volvieron vistir les sos traxes de boda celebrada n’Ariestébano va trelce años, apalpábase la emoción de la novia al desfilar y el nerviosismu de la so madre de 78 años, Clara Braña, que tamién vistió la so traxe d’invitada iguáu para la ocasión.
Pola capital moscona desfilaron tou tipu de creaciones, d’home y de muyer, anque nesta edición predominaron les fieles reproducciones de los traxes «de pudiente». Esto ye, les vestimientes d’aquellos que teníen más posibles a la d’iguar les sos ropes con teles de meyor calidá, con más mapa d’abalorios y que, con frecuencia, llucíense los domingos o n’eventos como fiestes y bodes.
Llana, seda, terciopelu, llinu o algodón son dalgunos de los materiales que texeron esti domingu un brillante y coloríu día. Amás de ropaxes calidable y diseñu, lo que s’amuesa ye fondamente pervalible: la tradición d’un pueblu que caltien los sos raigaños al traviés de la indumentaria, de la investigación del pasáu pa proxectar el futuru y que, amás, sirvió al eventu pa faese l’añu pasáu col prestixosu premiu «Moscón d’Oru».
- Lucía Garó Fotografía está en Grao Asturias.
Ayuntamiento de Grado Indumentaria. Día’l traxe
