- Biblioasturias/ cartelu 1 / cartelu BableEnlace externo, se abre en ventana nueva
- Facebook Twittera Instagram (story) Banner webE
- DSEÑU: Nicolás AznárezEnlace externo, se abre en ventana nueva
- Asturiano: #DíaDeLesBiblioteques #Por un futuru sostenible
http://www.biblioasturias.com/dia-de-las-bibliotecas-2024/
Esti 24 d’ochobre vuelve celebrase’l Día de les Biblioteques. Como pasa dende va unos años Ministerio de Cultura y Dirección General del Libro, del Cómic y de la Lectura ufren los materiales promocionales tamién n’#asturianu. Pa los y les falantes d’una llingua escaecida y prohibida a lo lo llargo de los sieglos, nes biblioteques y en tolos ámbitos, ye un xestu que nun sabéis lo que presta.
Los lemas d’anguaño “Una ventana abierta al mundu” y “Por un futuru sostenible“, pretenden destacar el papel fundamental que desempeñen toles tipoloxíes de biblioteques (públiques, escolares, universitaries, especializaes y nacionales/rexonales) na consecución de los Oxetivos de Desenvolvimientu Sostenible de l’Axenda 2030.
El próximu 24 d’ochobre conmemora’l Día de les Biblioteques, una iniciativa impulsada pola Dirección Xeneral del Llibru, del Cómic y de la Llectura del Ministeriu de Cultura y Deporte, al traviés de la Subdireición Xeneral de Coordinación Bibliotecaria.
Al traviés de les sos colecciones, servicios y actividaes con usuarios, les biblioteques contribúin a construyir una sociedá cada vez meyor informada, más igualitaria, solidaria y xusta, dafechu consciente de la necesidá de llevar una manera de vida sostenible como compromisu coles xeneraciones futures.
Más allá de los ODS rellacionaos cola Cultura y la Conocencia a los que claramente contribúin les biblioteques, estes instituciones fomenten: la educación calidable, la igualdá de xéneru, l’afitamientu d’instituciones más democrátiques, l’espardimientu d’información veraz, l’amenorgamientu de la probeza, el cuidu del mediu ambiente…
No rellacionao con esta perspectiva medioambiental, cada vez más les biblioteques tán adoptando práctiques sostenibles p’amenorgar la so buelga ecolóxica, como la implementación d’edificios enerxéticamente eficientes y programes de reciclaxe. Amás, eduquen a les sos comunidaes d’usuarios na importancia del cuidu del mediu ambiente al traviés de numberosos talleres, conferencies y recursos educativos. Esti trabayu sofita les iniciatives europées y nacionales pa una economía más verde y sostenible, como’l Pactu Verde Européu y l’Estratexa Española d’Economía Circular.
Como instituciones democrátiques, les biblioteques son espacios accesibles abiertos a la participación de la ciudadanía, que busca nelles un llugar d’alcuentru, d’intercambiu d’opiniones y conocencia, de puesta en marcha de nueves idees y proyectos, siendo especialmente relevantes en zones rurales y/o pocu poblaes.
Igualmente, les biblioteques contribúin al amenorgamientu de la fienda dixital, apurriendo accesu a les nueves tecnoloxíes y formación en competencies dixitales pa persones de toles edaes y contestos, en llínea cola Estratexa España Dixital 2026 y los oxetivos de la Década Dixital d’Europa.
