- Inaciu Galán/ cartelu / Inscripción / Dípticu /
Esti añu voi ser ponente na XI Sestaferia educativa: Ferramientes audiovisuales y d’IA pal aula de Llingua Asturiana, la xornada añal de formación pal profesoráu d’#asturianu. Voi poner un taller de ferramientes d’IA pa trabayar nel aula, un ámbitu qu’abre posibilidaes bien interesantes pa trabayar col alumnáu de toles edaes.La xornada va cuntar tamién con un equipazu de formadores.
Pablo A. Quiroga Prendes, Patricia Martinez, Natalia Riego Arredondas, Penélope Miranda Fernández y Isa Lobo.
Si yes profe y quies más info y matriculate. Gracies a Consejería de Educación del Principado y el Cpr Cuencasmineras por cuntar conmigo. Inaciu
Entrúguenme qué ye una “sestaferia”. Ehí va un #VocabulariuAST pa esplicalo.
La “sestaferia” (tamién estaferia) ye una figura de trabayu a comuña que se fai pa iguar un camín, una carretera, daqué vecinal. Esto ye, el pueblu (o cualesquier grupu humanu) xúntase pa una actividá en beneficiu de toos.
Avezaba facese los vienres (la sesta feria). D’ehí vien la etimoloxía, como esplica García Arias nel DELLA.
Por estensión llámase tamién sestaferia al día cuando hai trabayu a comuña pa iguar un camín, una carretera o daqué vecinal.
Dizse tamién pa refirise de forma familiar a un cuentu o bobada: ex. Nun me vengas con sestaferies.
Y amás tenemos una espresión, un verbu y un axetivu:
-A sestaferia: a comuña nun trabayu pa iguar caminos o daqué vecinal.-Sestaferiar o estaferiar: Facer la sestaferia.-Sestaferión, -ona, -ono: Dau a sestaferiar o falar muncho.
