- Yá puen acutase entraes gratuites: XVI Premiu Camaretá al Meyor Cantar
- Fonte: MusicAsturiana.com / Entraes /
El grupu La Bonturné, formáu por Merce Santos, Santi Caleya, David Varela y David Casillas, preséntase a esta edición con Odisea la nuí, un cantar con lletra de Francisco Álvarez y música de David Varela.
L’artista multidisciplinar y cantante Susana Gudín participa col tema Contigo, de composición propia y torna d’Aurora Bermúdez.
L’amiestu de música tradicional, urbana y electrónica de Ferla Megía aporta col cantar Medrana a medrar, compuestu por él mesmu.
La cuarta participación ye la d’Héctor Braga y el so Llobatu, con lletra propia y música compuesta a comuña con Javier Blanco.
[iframe width=»100%» height=»396″ src=»https://www.youtube.com/embed/daFsf2sy928″ title=»Héctor Braga – Llobatu (ft. Hevia)» frameborder=»0″ allow=»accelerometer; autoplay; clipboard-write; encrypted-media; gyroscope; picture-in-picture; web-share» referrerpolicy=»strict-origin-when-cross-origin» allowfullscreen></iframe>
Tres de l’actuación de los cuatro candidatos, el xuráu formáu por especialistes en música y llingua asturiana, va decidir el cantar ganador. Mientres la deliberación del xuráu, el públicu va poder disfrutar de l’actuación de Vero Rubio, la ganadora del XV Premiu Camaretá con Dixo miou padre, que va sonar nel teatru xunto a otres composiciones nes que lleva trabayando dende entós. Tres d’esta actuación, va dase a conocer el nome del grupu gallardonáu y va facese entrega d’un troféu a los sos intérpretes.
El premiu, dotáu con 6.000 euros, incluye la realización d’un videoclip, la promoción y espardimientu del cantar ganador nos medios de comunicación y nos eventos organizaos o promovíos pol Gobiernu del Principáu d’Asturies, asina como nel circuitu «Autores nel Camín» del programa Asturies, Cultura en Rede.
Entraes de baldre
La entrada a la gala ye llibre y gratuita previa retirada d’invitación na web del eventu, na Recepción de la Llaboral, nel Centru d’Información Turística del Principáu d’Asturies (CITPA) n’Uviéu, nel Centru Niemeyer n’Avilés, nel teléfonu 952 076 262, n’unientradas.es y na web de Llaboral Ciudá de la Cultura.
