- Fonte: LNE /
Ye tiempu d’aprovechase de les castañes y la sidra duce, anque les opciones para la fin de selmana van más allá. L’axenda gastronómica d’Asturies para la fin de selmana celebra l’amagüestu a lo grande coles castañes y la sidra duce por bandera, anque tamién propón dise de tapes, tastiar dureces de concursu y gochín asturcelta y celebrar los nabos. Los planes son munchos, variaos y pártense por tola rexón.
Fiesta de los Nabos, en Samartín del Rei Aurelio. La localidá de Sotrondio celebra la so popular Fiesta de los Nabos, declarada d’Interés Turísticu del Principáu d’Asturies, ente’l vienres y el llunes. Restoranes y sidreríes de Sotrondio y contorna van ufiertar un menú tradicional, compuestu por pote de nabos, ración de dureces y casadielles a un preciu que ronda los 30 euros per persona.
La popular cai Gascona d’Uviéu celebra’l domingu la tradicional fiesta de l’amagüestu, ufiertando más de 1.000 quilos de castañes asaes y 1.000 llitros de sidra duce. Amás entámense talleres infantiles de mayau, Los Gascones y desfilen xigantes y cabezudos.
