¿Diríes de visita a un llagar? El turismu sidreru crez en Asturies. Esta ye la llista de los llagares y los pumares que yá se pueden visitar.
La inminente declaración de la cultura sidrera de la rexón como Patrimoniu Cultural Inmaterial de la Humanidá va suponer una llombarada para tol sector, pero bien especialmente para afitar y desenvolver un turismu amestáu a la sidra que se va consolidando adulces, pero que tien entá enforma camín por percorrer. Y más si ye cola reconocencia espreso de la Unesco sol brazu, daqué que, sacantes sorpresa, va quedar ratificáu nuna asamblea que la entidá va celebrar n’Asunción (Paraguay) del 2 al 7 d’avientu.
