Los alumnos de la Escuela d’Hostelería y Turismu a mediaos de payares empezaron a ellaborar un cocodrilu de mazapán xigante que pesa 105 quilos y cuatro casines de xegibre para les qu’ellos mesmos diseñaron los moldes. En total, participaron nel procesu en redol a 25 alumnos de segundu cursu de Cocina y Gastronomía y segundu cursu de Pastelería.
El cocodrilu lleva trés turrones (nata, yema y chocolate) y ta envolubráu con mazapán tradicional ellaboráu con almendra marcona, «lo que-yos confier la categoría calidable suprema», señala Roberto Suárez Malagón, director de la Escuela. Les casines, pela so parte, son toes de galleta de xengibre y aguanten dos meses en condiciones óptimes. Tán espuestos na puerta principal del centru hasta’l 11 d’avientu, día que se van poner a la vienta al pesu.
