BIERZU s.m.: ‘Cuna, cestina [que fai de cama pa los neños pequeños]’.
- Una voz céltica d’orixe galu como BERTIU, que posiblemente tuviera’l significáu de ‘cesta de blima’, paez afayase detrás d’esta pallabra n’asturianu. La buelga de BERTIU aldovínase con intensidá nel occidente ibéricu (portugués «berço», gallegu «berce») y tamién nel oriente.
- Asina, en catalán recuéyense les formes «bres» y «bressol», esta última diminutiva, que s’emprestó al sardu («brassolu») na época de dominación catalano-aragonesa de la islla de Sardeña.
- El noyu de difusión del galu BERTIU ta, como ye esperable, en Francia, per onde se rastrexen diferentes resultaos dialectales: «ber», «bres», «bre…».
- N’asturianu, el «bierzu» tamién recibe’l nome de «trubiecu», con base n’otru étimu d’orixe prerromán.
