Les tradiciones populares fueron creaes fai decenes de miles d’años al ritmu de la naturaleza de la que somos parte. Asina asocede col solsticiu d’iviernu que marcando’l día más curtiu y la nueche más llarga del añu asítianos na transición, la renovación y l’esperanza d’un nuevu añu.
- Nes Saturnalias de la sociedá romana’l solsticiu d’iviernu yera un momentu d’alcuentru, d’unión y reconciliación con comíes, bebíes y regalos.
- Yá antes les nueses sociedaes iberes y celtes celebraben fiestes que la inquisición cristiana malvó anque entá perduren solapadamente antiguos ritos y costumes.
- Asina los íberos caltendríamos una reliquia nel País Vascu con L’Olentzero que yera y ye un carboneru mitolóxicu que trai regalos.
- Asina los celtes caltendríamos otra reliquia en Galicia col Pandigueiro que yera y ye tamién un carboneru mitolóxicu que trai castañes y regalos.
- Como dicíen los nuesos antepasaos cuando llegaba’l solsticiu d’iviernu: Bonum Dies Natalis Solis Invictus, esto ye Feliz Cumpleaños del Sol Invencible.
Nesti solsticiu amás tenemos d’esixir la paz. Toos queremos la paz pero los que nos apoderen solamente falen d’enemigos, de superioridá, de revanches, de robar tierres y recursos por aciu amenaces y fechos contrarios. La guerra, la destrucción, la dominación, tolo negativo hai qu’abolilo y recuperar les esencies de les idees milenaries de la paz, l’amor y la convivencia.
