- Fonte: El Comercio /
Jorge Fernández Díaz (Bonos Aires, 1960) ye’l ganador del Premiu Nadal de Novela, que falló esti llunes de Reyes el so 81º edición. Con ‘El secretu de Marcial’, una novela a caballu ente la memoria familiar y el suspense, ente Asturies y Bonos Aires y la segunda metá del sieglu XIX y l’actualidá. Presentola col seudónimu de Daniel Ocampo y col títulu provisional de ‘Marcial’.
Jorge Fernández Díaz, el Premiu Nadal que falaba n’asturianu. Nacíu en Bonos Aires, la so madre yera d’una pequena aldega de Balmonte, onde él se siente «en casa».
L’escritor arxentín Jorge Fernández Díaz, flamante Premiu Nadal, cola so madre Carmina, yá finada. Y. C.
En casa y na escuela, Jorge Fernández Díaz falaba n’asturianu. Los raigaños del flamante Premiu Nadal d’anguaño fúndense hasta algamar el fondu de la nuesa tierra, a pesar de qu’el so acentu arxentín da cuenta y nun dexa dulda del so orixe bonaerense. Nacíu en 1960, esti escritor y periodista aúna nos sos relatos épica, emoción y trazos de tenrura qu’algamen l’aldega d’Almurfe, en Balmonte, la que vio nacer a Carmina Díaz, la so madre.
Ella foi la protagonista de ‘Ma’, una de les sos obres más entrañables, na que l’agora galardonáu narraba la hestoria d’aquella moza llabradora, forzada con quince años a emigrar a l’Arxentina de Perón. La so llucha, los sos desvelos y los sos mieos diben desfilando por unes páxines, nes que l’autor conectaba una vegada más con Asturies, una tierra pola qu’aseguraba sentir entós «amor».
Yera un sentimientu honestu porque esti escritor ta acostumáu a volver a esta casa que nun lo vio nacer, pero que-y dio sentíu y hasta-y fixo fuerte. «Yo falaba asturianu en casa y na escuela. Los mozos burllabense de mi y pegábenme nel colexu primero que s’inventara la palabra ‘bullying’».
Eses situaciones faíen que la so familia fora d’españoles estraños y distintos» y, n’unu de los sos rumbos infantiles de talentu, Fernández Díaz inventó la palabra ‘argeñol’ «pa definir a quien nun saben perbién si son d’acá o d’allá». Quiciabes nun haya qu’escoyer y pueda sese de dambos llugares porque él reconoz que cada vez que visita Almurfe «siento que ye la mio pequena Macondo. Encuéyeseme’l corazón. Tengo la sensación de que soi d’ellí, a pesar de vivir tan llueñe», confesaba nuna entrevista a esti diariu.
N’ochobre de 2019, la so ‘Ma’ finó por culpa del alzheimer que solo se tranquilizaba cuando’l fíu y Premiu Nadal ponía-y el ‘Paxarinos’, de Víctor Manuel pa intentar devolvela a la vida. Esa melodía traelos a los dos de regresu a esta casa, de la que siempres fueron parte.
