Fonte: Actualidad Asturies /
El presidente reivindica les mazcaraes d’iviernu como parte d’una tradición “que tenemos de curiar porque esplica quién somos y quién queremos aportar a” Adrián Barbón participa nel Domingu de Sidros y Comedies de Valdesoto, en Siero.
El presidente del Principáu, Adrián Barbón, reivindicó “con arguyu” les mazcaraes d’iviernu que se celebren na comunidá, “una tradición que nun tenemos de dexar morrer”. Ente’l soníu de llueques y les risaes que provocaron les trés obres representaes nel Domingu de Sidros y Comedies de Valdesoto, en Siero, Barbón recordó que la cultura y les tradiciones “sirven pa esplicar quién somos y quién queremos aportar a”.
“Nun fai enforma qu’esta tradición perdiérase por eso hai que dar les gracies a quien s’ocuparon d’alicar les mazcaraes. Tenemos De sentinos arguyosos”, esplicó nel venti aniversariu de la recuperación de los Sidros y Comedies.
