TPA emite esti domingu, 19 de xineru, a les 19:00 , el programa especial ‘Domingu de Sidros y Comedies de Valdesoto’. Mazcarada d’iviernu recuperada nel añu 2005 pola Asociación Cultural El Cencerru que, de nuevu, enllena’l Campu la Ilesia de sátira, crítica y humor.
- Tradición pagana que dende fai 20 años celebra cada domingu dempués del día de Reyes, y que simbolizaba’l pasu de la escuridá a la lluz, d’un pasu vieyu a un pasu nuevu, y col que s’invoca a la fertilidá del campu.
- De nuevu, los protagonistes de la xornada van ser los Sidros, coles sos trastaes, tintineos y saltos, guardianes de les comedies nes que van tar presentes les temes y los personaxes más relevantes de los postreros dolce meses.
- Los pitufos, la traxedia de la DANA, les obres de La Pola, l’argayu del Güerna, l’AVE, Trump, la sidra y la so 20 aniversariu, van ser dalgunos de les temes de les comedies interpretaes por escolinos, xóvenes y mayores de Valdesoto.
Tradición d’esta mazcarada d’iviernu en Valdesoto, que simboliza’l pasu d’un añu que remata a otru qu’entama. El tránsitu dende la escuridá a la lluz y el deséu d’acabar col tiempu vieyu y preparase pa lo nuevo. Una tradición qu’trae a xente de toda Asturies pa esfrutar d’esta ‘Mazcarada d’iviernu’.
- RTPA: Programa 2024 /programa 2023 / programa 2025
