- Fonte: Musicasturiana.com /Premios AMAS /
Bases en: www.premiosamas.com
Ventiséis nomes venceyaos a la música n’asturianu tán nominaos a los premios AMAS 2025. Nesta edición hai un total de ventidós categoríes de les que n’once hai presencia d’artistes rellacionaos cola música d’espresión asturiana.
Esta mañana presentáronse en rueda prensa los Premios Amas 2025-qu’esti añu llega a la so venti edición- y yá ta abiertu’l plazu de votación a les distintes candidatures. Hai un total de ventidós categoríes de les que n’once hai presencia d’artistes rellacionaos cola música n’asturianu y/o de raigañu. Amás, de les 84 nominaciones totales, 26 son p’artistes que participen d’escena.
Como cada añu, les estayes nes que más nominaciones hai pa la música d’espresión asturiana son les venceyaes a la música folk. Nesti sen, esti añu tán nominaos a:
- Mejor Disco Folk Daón de Beleño, Secretos sin contar de Rubén Alba, Misa de Fruela 757 y Son d’Ermu de Picarós.
- Na estaya deMejor Canción Folk les escoyíes pol xuráu son ‘Corales de Cristal’ de Xera, ‘Polkamazurcas’ de La Bedur, ‘L.luna’ de L-R & Rodrigo Cuevas y ‘Lluna de Collecha’ d’Herbamora.
- Na estaya de Gaita, tán nominaes la Banda Gaites Ribeseya, Banda Gaites Saxum, Banda Gaites Soto Rei y la Banda de Gaitas El Penedón de Castropol.
- Na de Mejor Canción Otras Escenas seleccionaron ‘Pela carretera’ de La Tarrancha y ‘Provinciana’ de Viuda
- En Mejor Disco Otras Escenas Páxaros 01 de Ferla Megía. Tamién ta Hevia na de Mejor Directo.
- En cuantes a instrumentistes, tán Rubén Cadenas de Guieldu y Manu Molina (Nacho Vegas, L-R)
- Na categoría de Batería; Juan Yagüe (Cerezal, Algaire, José Manuel Tejedor)
- Na de guitarra; y Vero Rubio na d’Otros Instrumentos (trompeta).
- En Letras nominaron a Humber (Misiva) y Xandru Martino (Corquiéu) y na de Portada y diseñonominaron a Miguel G. Díaz por Vérsica, Mónica González por Fesoria a les Ortigues, Antón Barquero por Gaiteros de la Banda Gaites Fonte Fuécara y Ricardo Villoria por De Sópitu de Forma Antiqua.
Los meyores de la música asturiana nes distintes categoríes
de los premios AMAS yá puen escoyese
La gala d’entrega va ser el 7 de marzu
nel Teatru Filarmónica y podrá vese en TPA
Empieza la cuenta atrás de los AMAS. Dende esti llunes abre’l plazu pa votar. Son 22 categoríes, 66 candidatos, que marquen la salú de la música asturiana detalla David Serna, miembru de la organización de los Premios Amas.
Los galardones cumplen 20 años, un tiempu nel que la industria musical tresformóse. Agora reinen les plataformes y los gustos fueron variando. La gran producción de videoclips ye otru de los enclinos.
La RTPA collabora un añu más colos Amas. Nesta edición, amás de retresmitir la gala del 7 de marzu, va programar un especial coles meyores actuaciones nos 20 años de galardones de la música asturiana.
