La Universidá d’Uviéu va facer un atles llingüísticu de la llingua asturiana.
[Nel mapa vense los territorios peninsulares cubiertos por atles llingüísticos, onde s’aprecia’l vaciu d’Asturies]
El grupu d’investigación de la Universidá d’Uviéu ‘Seminariu de Filoloxía Asturiana’ (SFA) va poner en marcha’l proyectu ‘Atles Llingüísticu del Asturianu’ (ALAS), que se va presentar nel Congresu Internacional de Llingüística y Filoloxía Romániques, na ciudá italiana de Lecce en xunetu del 2025. Asturies ye, con Murcia, Álava y interior de Valencia, ún de los pocos territorios peninsulares que nun tien un atles llingüísticu qu’abarque la totalidá del so espaciu xeolectal.
ANUNCIU DEL «ATLES LLINGÜÍSTICU DEL ASTURIANU» (ALAS)
El grupu d’investigación de la Universidá d’Uviéu «Seminariu de Filoloxía Asturiana» (SFA) anuncia públicamente’l proyectu «Atles Llingüísticu del Asturianu» (ALAS).
Asturies ye, xunto con Murcia, Álava y interior de Valencia, ún de los pocos territorios peninsulares qu’escarez d’un atles llingüísticu qu’abarque la totalidá del so espaciu xeolectal. Ye preciso enllenar un vaciu que será una contribución importante a la llingüística asturiana (asturlleonesa), peninsular y románica.
Los investigadores del SFA tienen esperiencia nos atles llingüísticos ETLEN, sobre la frontera ente’l gallegoportugués y l’asturlleonés n’Asturies, y ELCOA, sobre un tramu de la frontera ente l’asturianu occidental y central.
Los trabayos d’encuestación pal ALAS entamaron sobre’l terrén va seis meses. Dirixíu por Ramón d’Andrés, Xulio Viejo y Miguel R. Monteavaro, l’ALAS básase nun cuestionariu d’unos 500 fenómenos llingüísticos (vocálicos, consonánticos, morfosintácticos nominales y morfosintácticos verbales) y una rede d’encuestación de 90 llugares del asturlleonés d’Asturies.
Prevése la presentación del ALAS nel Congresu Internacional de Llingüística y Filoloxía Romániques, que se fai na ciudá italiana de Lecce en xunetu del 2025.
A lo llargo de los próximos meses van dir dándose más detalles técnicos del proyectu.
[Nel mapa vense los territorios peninsulares cubiertos por atles llingüísticos, onde s’aprecia’l vaciu d’Asturies]
Esta información puede lleese tamién na web del Seminariu de Filoloxía Asturiana:
