- musicasturiana.com/ Spotify «Esto ye: Muyeres» /Muyeres Coleutivu de músiques Muyeres
A malpenes dos meses de finar la xira ‘Humanes’, el coleutivu de músiques Muyeres, la voz coleutiva con más fuercia de la música asturiana, protagoniza la entrega de xineru d’esta estaya con 30 cantares icónicos 
Siéntila nel nuesu perfil de Spotify.
Finamos xineru dedicando la estaya de playlist Esto ye a Muyeres con una llista de reproducción qu’axunta 30 cantares de la so discografía, que yá ta dafechu disponible en Spotify: Muyeres (1994); Muyeres II (1997); Pasamentu (2001); Onde canta la culiebra (2006); País Malva (2018); y Humanes (2020).
Muyeres ye la voz coleutiva con más fuercia de la música asturiana. Dende la so fundación en 1993, reivindiquen el papel de les muyeres nel caltenimientu del patrimoniu oral del país y la música tradicional de percusión. Nestes más de tres décades dende que se formó’l proyectu, participaron más de 150 muyeres y collaboradores de dellos grupos d’investigación etnográfica del territoriu. El próximu domingu 9 de marzu finen la xira del so espectáculu Humanes nel Teatru La Llaboral de Xixón, pal que les entraes yá tán a la venta.
