- Fonte: Musicasturiana.com / SEMEYES de Nay Semeya /
Nay Semeya ye la responsable de les imáxenes y la realización audiovisual que resume lo vivío nesti festival de música moza n’asturianu.
Yá ta en YouTube el videu resume del III Semando Fest que yá pue vese na canal de YouTube del Musicasturiana.com. Grabáu y realizáu audiovisualmente por Nay Semeya (Llanes, 1999), ye una esbilla de los preparativos y prebes de soníu, de les actuaciones musicales d’Abéu, Ferla Megía, Alienda y Melandru, y de la emoción y diversión d’un públicu qu’enllenó la sala Lata de Zinc na tercer edición del festival de música moza n’asturianu.
Amás del videu oficial tamién ta disponible la galería de semeyes que fizo la fotógrafa afincada en Piloña pa captar dalgunos de los momentos d’esti eventu que yá ta consolidáu nel calendariu de festivales d’iviernu de la música’l país.
Musicasturiana.com y Ixuxú Cultura fueron los organizadores del Semando Fest que patrocinó Caja Rural de Asturias, Conseyu de la Mocedá del Principáu d’Asturies y Conseyu de la Mocedá d’Uviéu; y que cuntó cola collaboración de Surimi, Héroes Ensin Nome, Nay Semeya y Puru Remangu.
