- https://www.memorialmarialuisa.com/vencedores.php / Edición 35 / Facebook / LNE /
- Certame Internacional de Fotografía y Video de Monte, Naturaleza y Aventura
- La gala d’entrega de premios va tener llugar los díes 16 y 17 de mayu próximu, en Infiesto y Uviéu (nel teatru Filarmónica).
Una pantera negra so les estrelles gana, ente casi 19.000 semeyes, el Memorial «María Luisa» L’indiu Rajarshi Banerji ye’l ganador del reconocíu concursu fotográficu nacíu en tributu a la piloñesa María Luisa Álvarez con «Black panther under the stars», una máxica instantánea na que retrata a una pantera folgando sobro un árbol.
Quince premios principales y nueve mentes d’honor por caúna de les quince categoríes de les que compunxeron el concursu. D’ente elles foi destacada la fotografía Black panther under the stars, de Rajarshi Banerji, d’India, qu’amás de llevase la victoria na categoría de Biodiversidá, foi galardonada col premiu absolutu del 35 Memorial Maria Luisa, Gran Premio Fundación Cajastur.
El Xuráu en valorando les 18.684 fotografíes y 199 videos y documentales que fueron unviaos a concursu polos 1.590 fotógrafos inscritos, procedentes de 95 países, hai reseñando aquelles fotografíes que resultaron ser les técnicamente más pervalibles y les visualmente más atanantes, llogrando como resultáu ese conxuntu d’imaxes realmente singulares.
Ente los fotógrafos nuevos, menores de diecinueve años d’edá, el premiu recayó na fotografía The call if dawn de Maksymilian Paczkowski, de Polonia.
El restu de el ganadores fueron: na categoría Paisaxe de monte, Thomas Crauwels (Suiza); n’Alpinismu y deportes d’iviernu, Germain Favre-Felix (Francia); n’Esguilada, Marc Daviet (Francia); n’Aventura y otros deportes estremos, Andreas Busslinger (Suiza) na categoría Semeya de viaxes y xentes, Azim Khan Ronnie (Bangladesh); en Mundu animal, Scott Portelli (Australia); Mundu de les aves, David Pedreira Rodríguez (España); en Mundu vexetal, Craig Mcgowan (Australia); en Mundu somorguiáu, Claire Waring (Reinu Uníu); en Paisaxes naturales, Isabella Tabacchi (Italia); en Semeya creativa, Andrés Basilio Sagarna (España); nel Mundu de los pequeños. Semeya macro, Imre Potyo (Hungría); y na tema del añu dedicáu a la fotografía de semeyes, Natnattcha Chaturapitamorn (Tailandia).
Tocantes a la categoría de vídeos, películes y documentales, la película ganadora absoluta, Gran Premio Semeya Ruano, foi Unwavering, de Chris Schmid (Suiza).
