Les televisiones públiques d’Asturies y Galicia presenten a comuña una iniciativa novedosa: una convocatoria pa escoyer un proyectu de serie de comedia con una trama que se desenvuelva ente les dos comunidaes y qu’emplegue les llingües propies polo menos nun 80% del diálogu.
El proyectu escoyíu va llevar 50.000 euros pa producir un capítulu.
Al filu d’esto, la Radiotelevisión del Principado de Asturias convoca una sesión especial el miércoles 5 de marzu a les 13:00 na Sala de Prensa de la Universidá Llaboral: “Cómo presentar un proyectu audiovisual. Especial convocatoria Asturies y Galicia creen ficción 2025“. El plazu pa unviar solicitúes remata’l 30 d’abril.
