Esta selmana tamos de celebración, ¡ye la selmana d’Antroxu, Antroido, Antroiro! Y como se suel dicir, n’Asturies somos bien «fartones», polo qu’esta fiesta tamién tien la so gastronomía típica.
El pote ye’l platu más destacáu nestes feches, pero como nesta sección gústanos incluyir recetes un pocu más fáciles (y non por ello peores), güei vamos falar d’unu de los dulces más aclamaos de la nuesa rexón.
Los frixuelos saben a casa de «güelita», saben al calor d’una chimenea nes tardes fríes de febreru y sobremanera saben a “mazcaritos”. Lo meyor d’esta receta ye que solos tán perricos pero amás tien munches posibilidaes, pos teniendo fecha la masa, podemos volvenos llocos y rellenalos de lo que prefiramos: chocolate, nata, crema pastelera… ¡A gustu de cada unu!
Sigue tolos pasos de la receta para esfrutar del sabor del Paraísu Dacuando nun fai falta anovar, les recetes de siempre funcionen a la perfección. ¡Llueu más recetes en Taragaños del Paraísu!
