- rtpaoficial
- Yunaida Canteli del Río: / Noticies: El Comercio / La Voz /
Yunaida Canteli, estudiante de cocina nel IES de Pravia, ye finalista del Premio Promeses de Le Cordon Bleu. Yunaida, estudiante na Escuela d’Hostelería de Pravia consiguió metese na llista de los 10 finalistes del Premio Promeses de l’Alta Cocina de Le Cordon Bleu enfocáu en mozos menores de 25 años apasionaos pola cocina. #AltaCocina #PromesasLeCordonBleu #Asturias
Yunaida conviértese asina na única aspirante asturiana a esti galardón nel que’l ganador va optar a una beca valorada en 40.000 euros, que-y dexará estudiar l’internacionalmente reconocíu Grand Diplôme.
Para clasificase, los candidatos tuvieron que demostrar les sos habilidaes ellaborando una vídeu receta de 5 minutos de duración, con un platu ellaboráu a partir d’una propuesta común: Coneyu, râble rellenu y cenahories glaseadas con una segunda guarnición y unu mueyu de llibre elección. Como parte de la prueba, los estudiantes tuvieron que poner a prueba la so creatividá, cola selección de técniques llibres ya ingredientes propios de les sos rexones, factores diferenciales para llegar a la gran final.
La propuesta de Yunaida foi la única asturiana que convenció al xuráu y al públicu. El próximu 8 d’abril va viaxar a Madrid para competir na see de Le Cordon Bleu Madrid, énte un prestixosu xuráu que se va dar a conocer nes próximes selmanes.
Na edición anterior, presidió’l xuráu Eduard Xatruch, chef catalán 3 estrelles Michelin y 3 soles Repsol. N’ediciones anteriores, el xuráu tuvo presidíu por otres celebridaes de la gastronomía nacional de la talla de Nacho Manzano, Jesús Sánchez, Joan Roca, Diego Guerrero, Martín Berasategui o Andoni Luis Aduriz.
Yunaida Canteli, Pablo Cuervo López, Iyán Sampedro San Martín, de la Escuela d’Hostelería de Pravia fueron escoyíos na seronda para competir pol premiu ‘Promeses de l’alta cocina’ qu’entama añalmente’l Cordon Bleu.
