L’ascensu al altu de Cotobello, tres 152 kilómetros de percorríu, va poner fin a la ronda’l 10 de mayu. El Gobiernu del Principáu patrocina esti eventu dientro de la so estratexa de promoción de la comunidá, qu’inclúi una firme apueste pol cicloturismu, un nichu de mercáu que favorez la desestacionalización turística.
- Fonte: El Comercio / Actualidad Asturies /
Esta tarde en Barcelona foi la presentación d’esta ronda ciclista, un escaparate escepcional para promocionar Asturies pol so ampliu impactu nacional ya internacional. El Principáu, amás, asitió’l cicloturismu como uno de los sos productos estratéxicos baxo la marca Ciclismu por Naturaleza.
La etapa decisiva d’esta edición va xunir la localidá lleonesa de La Robla col altu de Cotobello, n’Ayer, a 1.195 metros d’altitú. Con 152 kilómetros, va ser la más llarga y montascosa de la ronda ciclista, al incluyir un doble paso entemediu pola Colladona, de 840 metros d’altitú, que va dexar endurecer el percorríu antes del ascensu final.
Al marxe de los puertos de monte, la caravana va travesar los conceyos de L.lena, Ayer, Llaviana, Samartín del Rei Aurelio y Mieres.
