- Grupu Muyeres: «La llingua de los amantes»/ Álbum «Humanes» / Deezer / Videu
- Conciertu «Encaja2» / Videu con lletras n’asturianu /
Cantar ‘La llingua de los amantes’, compuesta por Marta Elola dientro del proyectu musical de Muyeres y l’álbum «Humanes». El lyric vídeu d’esta pieza ta realizáu nel so mayor parte con imaxes de les colecciones fotográfiques del nuesu muséu (Muséu del Pueblu d’Asturies).
Les hestories de delles muyeres de distinta dómina y condición, delles reales y otres ficticies, tuvieron ayeri un enorme protagonismu nel teatru de la Llaboral gracies al espectáculu «Humanes», la última propuesta del colectivu musical «Muyeres», que reivindicaron el protagonismu d’eses compañeres dándo-yos voz en forma de cantares y al traviés de distintos estilos, dende l’aire popular al pop o l’habanera. Una propuesta d’ésitu que rexuntó ayeri a más de 800 persones pa esfrutar cola creación de Borja Roces, no escénico, y de Marta Elola no musical.
El colectivu «Muyeres» nació en 1993 y dende entós desenvolvió una aplaudida carrera pola so propuesta musical y cultural. Foi la resultancia de la unión de dellos grupos d’investigación etnográfica. Caltuvo un papel fundamental y destacao na reivindicación de la música tradicional asturiana, según na del papel que xuega la muyer n’ese importante mancomún folclóricu. A esti grupu deben trabayos tan notables como «Muyeres», «Dancies, bailles, ramos, romances y cantares de los conceyos d’Asturies» o «Pasamentu».
