Un eventu onde participen cada añu 150.000 persones y nel que van tar 75 xixoneses. La Banda de Gaites Villa de Xixón volverá llevar la so música a Nueva York pa participar per cuarta vegada nel icónicu desfile del Día de San Patriciu, celebráu dende 1762 y que cada añu axunta a miles de participantes.
- LNE/ Facebook Banda / Musicasturiana/
Dos millones de neoyorquinos van ver a la Banda de Gaites de Xixón y San Patriciu tien la culpa L’agrupación
despídese antes de dir a Estaos Xuníos con una actuación na plaza Mayor: «Un cachu de la ciudá va tomar Manhattan».
El próximu llunes 17 de marzu ye’l Día de San Patriciu y la ciudá estaunidense de Nueva York va acoyer el NYC St. Patrick’s Day Parade, desfile que lleva dende 1762 celebrándose ininterrumpidamente y que siguen más de dos millones de persones en vivo y pela televisión 🍀Asturies va volver a tar presente esti añu gracies a la participación de la @villadexixon , que vuelve a desfilar pela Gran Manzana per cuarta vegada 🥁 Más de 50 músicos d’esta agrupación van tocar nuna cita que va muncho más allá del pasacais, porque la formación va tar del 13 al 20 de marzu na ciudá americana faciendo delles actuaciones y participando n’actos d’otros calter 📺 Amás, la RTPA va grabar un documental de mediu metraxe sobre esta banda xixonesa qu’anguaño celebra’l so venticinco aniversariu 🗣️ De too ello y más falamos con José Luis García, director de Villa de Xixón.
Un últimu adiós antes de partir a Nueva York. La banda de gaites «Villa de Xixón» ufiertó ayeri na plaza Mayor parte del repertoriu musical que van llevar al desfile de San Patriciu que se va celebrar na Gran Mazana, el próximu 17 de marzu. Setenta y cinco xixoneses, cincuenta d’ellos músicos, van representar a la ciudá y a la cultura asturiana», como destacó Jorge González-Palacios, conceyal de Relaciones Institucionales, ayeri nel salón de recepciones del Conceyu. Ellí celebróse ayeri l’actu institucional de despidida a la banda.
La del llunes próximu va ser la cuarta vegada que l’agrupación musical desfile por Nueva York, pero nesta ocasión cunten con un incentivu más: la celebración de la so 25º aniversariu. «Ye bien importante pa nós qu’unu de los primeros actos del aniversariu consista en promocionar a la nuesa ciudá y rexón nun escaparate tan significativu a nivel mundial», estimó *Nora Coloráu, integrante de la banda que fixo de vocera.
El grupu fizo un percorríu simbólicu dende la Plaza del Marqués hasta la Casa Conceyu, onde fueron recibíos poles autoridaes locales p’anunciar la so participación señalen Lara Martínez, viceconseyera de Turismu; y Ángela Pumariega, vicealcaldesa y conceyala d’Economía.
En cuatro díes, 75 xixoneses van viaxar a Manhattan pa desfilar pela Quinta Avenida, dende la cai 44 hasta la 86. D’ellos, cuasi la metá son músicos de la Banda Villa de Xixón, qu’amplíen la so formación con integrantes de la Villa de Xovellanos y la banda infantil Magüeta apunten José Luis García, director de la Banda de Gaites Villa de Xixón; y Nora Rojo, miembru de la Banda de Gaites Villa de Xixón.
Según el director, la emoción ye entá mayor pa los más pequeños, que van llevar con arguyu’l nome de la so ciudá. Amás, esti proyectu coincide col 25 aniversariu de la banda.
La Banda de Gaites Villa de Xixón creada nel añu 2000 por iniciativa de numberosos músicos integrantes de la Escuela de Música Tradicional Villa de Xixón y llevó la música tradicional asturiana dende Cimavilla hasta Nueva York, Francia, Portugal, Italia, Alemaña…
Entrevista nel portal Musicasturiana.com
El próximu llunes 17 de marzu ye’l Día de San Patriciu y la ciudá estaunidense de Nueva York va acoyer el NYC St. Patrick’s Day Parade, desfile que lleva dende 1762 celebrándose ininterrumpidamente y que siguen más de dos millones de persones en vivo y pela televisión. Asturies va volver a tar presente esti añu gracies a la participación de la Banda Gaites Villa de Xixón, que vuelve a desfilar pela Gran Manzana per cuarta vegada. Más de 50 músicos d’esta agrupación van tocar nuna cita que va muncho más allá del pasacais, porque la formación va tar del 13 al 20 de marzu na ciudá americana faciendo delles actuaciones y participando n’actos d’otros calter. Amás, la RTPA va grabar un documental de mediu metraxe sobre esta banda xixonesa qu’anguaño celebra’l so venticinco aniversariu. De too ello y más falamos con José Luis García, director de Villa de Xixón.
Va ser la cuarta vez que participéis. ¿En qué años anteriores tuvistis y qué tien de diferente esta vegada?
La banda de Gaites villa de Xixón participó nos años 2006, 2007, 2008 y 2014. Pa nós ye perespecial facer coincidir esta cita nel nuesu venticinco aniversariu. Tenemos munchos músicos que van pisar la Quinta Avenida per primer vegada con tolo qu’ello supón. Trátase d’un escaparate pa la nuesa música que va poder vese per tol mundu.
«Desfilar pela Quinta Avenida trátase d’un escaparate pa la nuesa música que va poder vese per tol mundu»
Una de les coses que llama l’atención ye que van desfilar tamién pandereteres per primer vez.
Nós llevamos tiempu collaborando con panderetes nes bandes que tienen como denominador común la Escuela de Música y Baille Tradicional Villa de Xixón. Va siete años yá les incorporamos nel repertoriu del discu Spirum, que tantos ésitos collechó y amás podemos cuntar con dos cabezaleros nestes secciones de la escuela: Ramsés Ilésies y Verónica García, que faen un trabayu enorme.
En Galicia esti tipu de instrumentu yá lleva muncho más tiempu incorporáu a les bandes de gaites. Creo sinceramente que la pandereta ta viviendo’l so meyor momentu y ye símbolu de la nuesa cultura y un claru dinamizador de la tresmisión oral nos tiempos que cuerren, nos que los soportes tresmisores recayeron n’escueles como les que tenemos na nuesa ciudá. Pero tamién veo necesario entamar a trabayar na parte musical del mesmu (metodoloxia, repertoriu, técniques, etc) igual que pasó cola gaita nos años ochenta, fai falta contemplar esti maraviyosu instrumentu como tal.
«Veo necesario entamar a trabayar na parte musical de la pandereta (metodoloxia, repertoriu, técniques, etc) igual que pasó cola gaita nos años ochenta. Fai falta contemplar esti maraviyosu instrumentu como tal»
Vais tar una selmana, amás del desfile de San Patriciu, ¿qué otres actividaes vais desendolcar?
Tenemos previstu visitar «Little Spain» que tien como meyor esponente al cocineru José Andrés y al so grupu. Xuntaremos a munchos emigrantes españoles y asturianos nel Círculu Español; vamos ser recibíos pol Consuláu Español; vamos tocar un himnu d’Asturies bien especial nún de los llugares más emblemáticos de Nueva York y, sobre manera, vamos esfrutar de muncha música y amigos d’otres bandes durante la nuesa estancia n’Estaos Xuníos.
Sois la única banda asturiana que participa esti añu nesti desfile. ¿Qué supón pa la visibilidá d’Asturies? En base a les vuestres esperiencies anteriores, ¿cómo foi la ‘collecha’ de lo que ‘semastis’ diendo hasta Nueva York?
La primer banda asturiana que pisó Nueva York foi la Banda de Gaites de Corvera en 2005. L’añu siguiente incorporamonos nós, siguieron abriendo estaya la Reina’l Truébano y Naranco. Creo que toos coincidimos no importante que ye que Asturies tea presente nesti desfile.
«Toles bandes que participamos -Corvera, La Reina’l Truébano, Naranco y nós- coincidimos no importante que ye qu’Asturies tea presente mesti desfile»
Viaxáis 50 músicos y otres 25 persones. Tamién van cargos públicos del Ayuntamientu. ¿Qué papel ta xugando’l Conceyu nesta actividá y cómo lo valoren? Entrúgolo, porque paez qu’hai otros ayuntamientos d’Asturies que nun-y dan valir a lo importante de la música tradicional pa crear ‘Marca Asturies’ o ‘Marca del conceyu que seya’
El sofitu institucional ye bien necesariu pa cualquier proyectu d’esta envergadura, más entá cuando agrupaciones como la nuesa somos marca del conceyu allá per onde vamos. Nesta ocasión va acompañanos Jorge Palacios, conceyal de Rellaciones Institucionales. Quiciabes dalgunes instituciones decátense agora que’l capital humanu y cultural que tien Asturies ye impresionante. Hubo un tiempu nel que mirábemos más pa fuera que pa casa y dexábamos tol nuesu potencial olvidáu por mieos impuestos y, anque esto camudó abondo, ye necesario muncho más sofitu a tola rede que conforma la música tradicional asturiana y los sos profesionales.
«Tamos trabayando nun espectáculu xunto a la Xixón Jazz Band. Vamos integrar a más de cincuenta músicos de les dos agrupaciones y queremos amestar la dualidá que representen y esa transición ente lo moderno y lo tradicional»
Esti 2025 cumplís 25 años como banda. ¿Qué tais entamando?
Nel planu musical tamos trabayando nun espectáculu xunto a la Xixón Jazz Band dende va un añu más o menos. Vamos integrar a más de cincuenta músicos de les dos agrupaciones y vamos dar un repasu a munchos temes asturianos tradicionales y de composición, colos arreglos d’Iñaki Askunce. ún de los meyores arreglistes musicales a nivel nacional nesti xéneru. Esti espectáculu va nomase ‘CIFUENTES STOLDTZ Y COMPAÑÍA’, el nome del astilleru xixonés que construyó’l primer buque de metal nel nuesu país promovíu por Anselmo Cifuentes Díaz (1833-1892). Queremos amestar con esti espectáculu, la dualidá que representen estes dos agrupaciones y esa transición ente lo moderno y lo tradicional, que ta bien presente nes tendencies musicales actuales.
Tamién tenemos dos o trés collaboraciones con grupos del panorama musical español, una d’elles en Madrid al que van asistir más de 8.000 persones, nuna de les sales de conciertos más pernomaes de la capital. Como platu fuerte’l XXV Festival internacional de Nandes de Gaites Villa de Xixón que se celebra del 4 al 10 d’Agostu y que nesta ocasión va tener una presencia notable de bandes de fuera d’Asturies.
«La declaración BIC ayuda a dar visibilidá a toos esos gaiteros y agrupaciones que fueron tresmisores d’esti patrimoniu del que güei gociamos, pero tien de dir acompañáu de midíes que protexan al sector profesional de la gaita»
Esti domingu la conseyera de Cultura anunció que diba entamar los trámites pa declarar Bien d’Interés Cultural a la cultura de la gaita. Hubo una parte del sector que más o menos vino a decir que taba mui bien, pero que nun yera abondo con declarala BIC, que se necesitaba tamién un apueste más firme porque taba en retrocesu’l númberu de gaiteros, gaiteres y de bandes. ¿Cómo lo valores tú?
Como puntu de partida ta perbién y creo sinceramente qu’ayuda a dar visibilidá a toos esos gaiteros y agrupaciones que fueron tresmisores d’esti patrimoniu del que güei gociamos, pero tien de dir acompañáu de midíes que protexan al sector profesional de la gaita: una rede d’escueles de música tradicional con sofitos institucionales nes que puedan impartise toles enseñances d’una forma coordinada con proyectos curriculares similares y al traviés de profesionales del sector; la inclusión nos programes educativos xenerales nes escueles del país y una implementación d’ayudes p’agrupaciones como les bandes de gaites, escueles de música tradicional, bandines, gaiteros, constructores, etc. que garantice y protexa’l sector.
Por último, una presencia clara y notable de la gaita na vida institucional y pública, non namás el Día d’Asturies o el Día Internacional de la Gaita… Soi conocedor que Vanesa Gutierrez, la conseyera de Cultura, ye mui sensible a estes necesidaes, y esti primer pasu pue ser l’entamu d’un procesu que dinamice’l mundu de la gaita dende la base.
