Queda poco pa una de les fiestes más esperaes del calendariu llocal y autonómicu y dende la conceyalía de Festexos tamos iguando un programa nel que nun van faltar la música, la tradición, la sidra, el baille… De too pa un fin de selmana nel que nos xuntamos y festexamos enllenando cais, parques y places de bon ambiente y folclore.
Nos díes vinientes allumaremos tola programación, pero yá vos podemos presentar el cartel, firmáu pol artista xixonés Foni Ardao, qu’amuesa nel so diseñu tolos elementos bultables de la Folixa ente colores primaverales y partiendo de dos idees cimeres: la unión del pueblu y los raigaños.