La iniciativa ta empobinada a fomentar la normalización de les llingües del país ente la comunidá educativa con actividaes de baldre. La cita con Alicia Álvarez va ser el xueves 15 de mayu a les 11.30h nel teatru Riera de Villaviciosa.

Amás d’esti conciertu, el programa inclúi pieces teatrales de les compañíes asturianes El Callejón del Gato, ElektraFiktion, Factoría Norte, Saltantes Teatro, Ambigú Media Broadcast y La compañía del Alba. Los centros educativos yá pueden sumase a la Xira Didáctica hasta’l 28 de marzu na web d’Asturies Cultura en Rede o’l portal d’Educastur. Les places tán llendaes y pue topase más información de too ello equí.

Kikirikikí ye un conciertu de música pop nel que l’autora interpreta los temes del so llibru-discu homónimu acompañada por David Varela (acordión), David Casillas (contrabaxu) y Eva Díaz Toca (batería). A partir d’histories protagonizaes por animales y otros personaxes, interpreten cantares enllenos de tenrura que falen de los sentimientos, les emociones, la imaxinación o los mieos. Trátase, amás, d’un espectáculu multidisciplinar nel que se proyecten les ilustraciones feches por Alicia Varela, dibuxos enllenos de poesía y costumismu qu’homenaxeen a los cuentos clásicos infantiles.