Salú actualiza’l calendariu de vacunación infantil para incorporar la profilaxis frente al rotavirus en lactantes. El rotavirus ye un virus bien contaxosu que causa fuertes diarees n’edaes tempranes.
- Fonte: Actualidá Asturies / Astursalud: calendariu vacunaciones 2025 / Calendariu Vacunación toles edaes 2025/ Calendariu Vacunación Infantil 2025/ Listado de vacunes
- La nueva inmunización aplicarase a ñácaros nacíos dende’l pasáu 1 de xineru en trés dosis: a los dos, cuatro y seis meses.
La Conseyería de Salú actualizó’l calendariu de vacunación infantil pa incorporar la profilaxis frente al rotavirus en lactantes y reforzar la protección contra’l meningococu. Esti cambéu escuerre ufiertar a menores y adolescentes la pauta d’inmunización más completa posible, el cambéu nel fármacu frente a la enfermedá meningocócica protexe énte cuatro variantes de la infección.
La vacunación frente al rotavirus, un virus bien contaxosu que causa fuertes diarees n’edaes tempranes y puede provocar deshidratación, va aplicase a lactantes nacíos a partir del 1 de xineru de 2025.
La enfermedá meningocócica sueli presentase fundamentalmente de dos formes: meninxitis o sepsis que, anque son poco frecuentes, pueden resultar bien graves.
Virus del papiloma humanu. Per otru llau, el Serviciu de Salú (Sespa) empecipia estos díes xuna campaña de vacunación frente al virus del papiloma, dirixida a varones de 15 a 18 años, que se va enllargar mientres tou 2025.
Dende la perspectiva comuñal, la inmunización amenorga la tresmisión, al menguar la cantidá de persones susceptibles de contraer una enfermedá, al empar que protexe a les más vulnerables. La inmunidá de grupu beneficia tamién a quien nun pueden recibir la profilaxis, como ñácaros, persones con sistemes inmunolóxicos debilitaos o con determinaes condiciones médiques. Amás, previen los biltos d’enfermedaes infeicioses.
