Esti llibru, dedicáu a la más conocida de les prendes de la indumentaria tradicional femenina, recueye los trabayos de les I Xornaes d’Estudiu del Traxe Asturianu «Luis Argüelles» y analiza 46 pieces orixinales que se caltuvieron hasta los nuesos díes.
Esti trabayu fíxose col enfotu de recoyer les ponencies presentaes nes I Xornaes d’Estudiu del Paxellu Asturianu «Luis Argüelles», celebraes nel Muséu del Pueblu d’Asturies en 2023 y organizaes por dellos investigadores de la estaya aconceyaos nun equipu de trabayu col sofitu del muséu. Aquelles primeres xornaes dedicáronse al dengue, prenda del fatu femenín que, xunto cola montera de los paisanos, allegó a ser la más representativa del vistir de les clases populares asturianes de los sieglos XVIII y XIX.
La obra estrémase en dos partes: les ponencies presentaes nes xornaes y el catálogu de los 46 dengues conservaos, con semeyes d’Ignacio Acuña Fernández (1966 – 2024).
L’estudiu compleméntase con una segunda carpeta, tamién descargable, onde puen atopase los dibuxos de caúna de les pieces, colos que toles persones que quieran puen facer un dengue sofitándose nes poques pieces históriques que se caltienen n’Asturies.
