Salva vides, llímpiate les manos:
“Guantes cuando tea indicáu,
Hixene de manos siempres”
/ 
Cada añu, la campaña de la Organización Mundial de la Salú (OMS) SALVA VIDES: Llimpia les tos manos del 5 de mayu, tien como oxetivu caltener un perfil global sobro la importancia de la hixene de manos nel cuidu de la salú y xunir a les persones en sofitu a la meyora de la hixene de les manos en tol mundu.
El Programa d’Hixene de Manos del SNS, nel marcu de la Estratexa de Seguridá del Paciente, súmase un añu más a la OMS para celebrar esti día. La campaña Salva vides, Llímpiate les manos promueve la hixene de manos como una midida eficaz y barata para prevenir les infecciones acomuñaes a l’asistencia sanitaria y la diseminación de microorganismos multirresistentes.
Sol lema de la campaña para 2025: “Guantes cuando tea indicáu, Hixene de manos siempres” , la OMS fai fincapié na necesidá de que los países sigan ameyorando en prevención y control d’infecciones (PCI), como lo demuestra l’últimu informe global de PCI de la OMS.
Amás, resalta de necesidá de promover de cutio l’usu fayadizu de guantes, xuntu cola acción d’hixene de manos y sensibilizar sobro l’impactu ambiental y climático de los guantes na xeneración y xestión de borrafes.
La Estratexa de Seguridá del Paciente del SNS, sigue mientres anguaño 2025 el trabayu con toles Comunidaes Autónomes p’ameyorar la seguridá de los pacientes, col impulsu decidíu al Programa de Higiene de Manos. Muestra d’ello eye, ente otres acciones como la publicación del informe anual de Higiene de Manos , y la formación qu’ufre al traviés de los cursos de Higiene de manos e Higiene de manos en entornos residenciales y sociosanitarios , orientaos al deprendizaxe práutico.
Nesti 2025, siguimos reconociendo l’esfuerzu de los centros qu’apliquen esta práctica acaldía, el so compromisu constante, el trabayu de capacitar a los nuevos profesionales y d’animar a los equipos de trabayu nel propósitu común d’evitar les infecciones rellacionaes cola asistencia sanitaria, por aciu el siguimientu continuu del programa d’Hixene de Manos del SNS.”
