Fía,
cuando bailles,
failo nel centru de la pista;
cuando mires,
mira siempre a los güeyos;
cuando fales,
que nunca te temble la voz
porque, has sabelo,
vas ser la minoría
de la minoría,
los sordos van querer
facete muda; vas ser
doblemente anubrida,
por ser muyer y
por pensar nuna llingua
proscrita,
qué condena t’impuxo
la dignidá non negociada.
(@pablotexon, “Carta a una fía futura”)
.
