L’Ascensión va ufiertar talleres por que 250 neños faigan los sos propios quesos. L’actividá, prevista nel paséu de la Herradura, va ser la gran novedá d’esta edición en El Bombé va acoyer diez carpes con llabores tradicionales. LNE
Vivir una esperiencia risondera y distinta catando a una vaca llamada «Candela» o aprender a ellaborar quesu fresco y tastialo va ser posible para los más pequenos anguaño na feria de l’Ascensión.
Un taller infantil obrador de quesu instaláu nel paséu de la Herradura, nel Campu San Francisco, va ser la principal novedá de la gran cita del campu asturiano na capital del Principáu, prevista del 30 de mayu al 1 de xunu, na que’l pulmón verde carbayón y les places de la Catedral y Porlier volverán ser los escenarios centrales de la celebración.
