El pozu San José de Turón acoyó l’I Campeonatu d’Asturies d’esti platu, qu’empericotió a «El Chigre de Villalegre». L’espaciu cultural Pozo San José, en Turón, acoyía esti sábadu un campeonatu gastronómicu distintu a los que davezu se celebren na rexón. Trátase del I Campeonatu d’Asturies de Fideuá, nel que participaron los mayores especialistes del Principáu nesta ellaboración tan típica del llevante español. Fonte: LNE
El ganador llogró’l derechu a participar nel Concursu Internacional de Gandía, que se va celebrar el próximu 5 de xunu. Una prueba asitiada qu’esti 2025 llega al mediu centenar d’ediciones.
Los diez restoranes escoyíos teníen que preparar la receta orixinal, compuesta por fidéu del númberu 4, tomate esmagayáu, gamba, cigala y rape. Pa decidir al ganador dende Gandía treslladose a Mieres el presidente de l’Asociación cultural y gastronómico Fideuá de Gandía, Avelino Alfaro, y el so compañeru d’organización, David Pardo.
Nel xuráu tamién tuvieron acompañaos el cocineru Luis Alberto Martínez (Casa Fermín), la cocinera Rosa Vázquez y el periodista gastronómicu David Fernández-Prada. El presidente del concursu valencianu sosprendiose del peraltu nivel amosáu polos restoranes asturianos, qu’ufiertaron fideos con una testura casi perfecta y sobremanera unos caldos bien sabrosos, con muncha esencia».
La gastronomía baxa al pozu: «Bocamina» escosa les sos entraes en 15 minutos
El llanto ganador. El flamante ganador resultó ser «El Chigre de Villalegre», d’Avilés, con una receta na que como señalaba tres el fallu la cocinera Pilar Meana, “lo más importante de la fideuá foi’l caldu, basáu en productos del mar, verdura, ñoras, andaricas, cabrachu y rape». La vencedora del certame manifestó «tar nuna nube, nun lo puedo creer, porque había compañeros bien especialistes que lo faen perbién, nós intentamos faelo con aselu y con muncho amor, con un refritu que nun quede demasiáu turráu, que nun quede’l caldu bien escuro».
En segunda posición quedó’l restorán mierense «La Consistorial», y el tercer puestu foi pa Xixón, que tenía cuatro representantes nesti eventu. En concretu, llevolu el restorán Cascandil». Nel concursu, que se convirtió nuna auténtica fiesta de la gastronomía, había tamién restoranes de Ribesella. Gozón y Uviéu. Mientres tol día l’asociación turonesa Sotufe entamara actividaes pa popularizar l’eventu, con degustaciones, clases maxistrales al cargu de Jesús Meleru y xuegos pa neños. Esta acción tuvo impulsada pol Conceyu de Mieres, cuenta col sofitu d’Hunosa, y foi desenvuelta pola empresa Gustatio.
Agora solo queda saber si’l meyor fideuá d’Asturies lo va ser tamién del mundu. Los ganadores yá tienen los billetes d’avión pa demostrar en Gandía el 5 de xunu antes otros 33 participantes si esi fondu marineru con productos de la rula d’Avilés ye imbatible. Dase la circunstancia de que va ser la 50.ª edición d’esti campeonatu mundial, y que va cuntar como xuráu con cocineros de la talla de Kiko Moya (dos estrelles Michelin), Susi Díaz o Paco Torreblanca.
