[ + ] Güei ye 25 de mayu, Día de la Bandera d’Asturies, conocida tamién como #asturina. Una xornada pa celebrar esti estandarte, oficializáu en 1990, pero que tien una llarga hestoria, que nos lleva a lo menos hasta’l sieglu XVIII. 
¿Qué sabes de la bandera d’Asturies? 
¿Por qué la celebremos el 25 de mayu? 
Respuendo a estes y otres cuestiones abriendo filu! 
¿Qué sabes de la bandera d’Asturies? ¿Por qué la celebremos el 25 de mayu? Respuendo a estes y otres cuestiones abriendo filu! 
L’orixe de la Bandera d’Asturies:la Cruz de la Victoria.
- La Cruz de la Victoria ta venceyada a la batalla de Cuadonga y al rei Pelayu, al propiu surdimientu del Reinu de los Ástures. La cruz orixinal de madera ta dientro de la “carcasa” que conocemos, fíxose nel Castiellu de Gauzón y foi donada a la Catedral pol rei Alfonsu III el Magnu y la reina Ximena d’Astures, nel añu 908.
- El Reinu d’Asturies usa yá cómo símbolu la Cruz de la Victoria, qu’apaez tallada n’edificios como la Foncalada, n’Uviéu, convirtiéndose nun escudu y probablemte reproducíu n’estandartes de la dómina, probablemente con fondu encarnáu, como la que reproducimos.
Xovellanos y l’informe sobre la bandera de 1794- En 1794 el Marqués de Campu Sagráu pide a Gaspar Melchor de Xovellanos un informe sobre la bandera que pue usar pal reximientu asturianu. Ehí ye onde Xovellanos fai una recomendación pa blasón del Principáu d’Asturies, investigando en documentación antigua, describiendo una bandera igual a la d’anguaño:
- […] la forma en que se debe representar […] deberá ser una cruz de plata exactamente copiada de la de la Victoria que se halla en la santa yglesia de esa ciudad con el alpha griega pendiente de su brazo derecho y la omega del izquierdo, las quales pueden ser de oro, y todo en campo azul.
- Podéis lleer o sentir n’audiollibru l’informe: https://eparlamento.jgpa.es/jovellanos/index.html
La bandera del Exércitu Asturianu de 1808- Cola declaración de soberanía que fai la Xunta Xeneral del Principáu d’Asturies en 1808 contra la invasión napoleónica, unviada representantes a Inglaterra y creando l’Exércitu Asturianu, úsase la Bandera d’Asturies como símbolu.
- A partir d’esi momentu la bandera va afitase como símbolu asturianu, non ensin dificultaes. El grabáu que recoyemos equí ye de 1881 y representa la declaración de soberanía de 1808, cola bandera asturiana nel centru de la imaxe. Usóse nos 70 y 80 en pegadielles reivindicatives.
El filu de continuidá: sieglu XIX- Los testimonios gráficos y escritos, poco investigaos entá, fálennos de continuidá nel usu de la bandera d’Asturies nel sieglu XIX y principios del XX. Gracies a @CelebresCoses recoyemos equí dellos testimonios de la presencia de la Bandera d’Asturies nel sieglu XIX.
- 1: La bandera en Cuadonga (1858)
-
2: La bandera descrita nuna obra de teatru (1852)
La primer semeya de la Bandera d’Asturies, 1858- Gracies a la colección de Baltasar Cue Fernández nel @MuseuPuebluAst de #Xixón, conocemos esta semeya onde apaez una bandera asturiana nesta chocante recreación de la torre Eiffel pa quioscu música, na plaza La Madalena (xunto a la capiella), nes fiestes de branu de #Llanes, según nos informa @CelebresCoses.
- Ye la semeya más antigua que conocemos de l’asturiana.
El filu de continuidá: primer terciu del sieglu XX- Nes primeres décades del sieglu tenemos dellos testimonios del so usu n’actos per toa Asturies y en 1920 reclamen face-y homenaxe
-
En 1929 apaez referenciasa en Caneiru, en Valdés, nun actu nel que’l Padre Galo da un pregón n’asturianu.
1923: reinvidación de la bandera- En 1923 apaez tamién referencia a la presencia de la bandera d’Asturies nun actu dedicáu al fomentu del asturianismu, celebráu nel vieyu Teatru Xovellanos de Xixón. El Vizconde de Campu Grande da un discursu y espresa asina la so presencia y les sos pretensiones: «En la fachada de este edificio ondea la bandera de Asturias. ¡Con ser tan lógica, resulta extraña esta manifesta- ción de regionalismo! Es más, esa bandera azul, genuina representación de la patria asturiana ¡apenas la conocen los astures! cuando debiera ostentarse en los edificios públicos, en las solemnidades de este carácter, y siempre en las de significación regional, como se hace en otros países donde nunca falta su propia bandera en casos tales».
El tiempu de les dictadures:la prohibicación de la bandera asturiana
- Les dictadures de Primo de Rivera (1923-1930) y la de Franco darréu, van prohibir les banderes distintes de la española.
-
Equí ta’l testimoniu del Decretu de 18 de setiembre de 1923 promulgáu pol Directoriu Militar, que prohibía tanto l’usu del asturianu como de la bandera d’Asturies.
El franquismu: 40 años ensin erguer la bandera- El Franquismu practicó tamién la prohibición de los símbolos distintos de la bandera española. La bandera asturiana foi desconocida pa delles xeneraciones que nacieren nel tiempu la dictadura. Franco apodérase del símbolu de la cruz de la Victoria, inclusive llegando a llevala él mesmu peles cais d’Uviéu na so vuelta a la Catedral tres la Guerra.
- Sicasí, a mediaos se los años 70, arranca un movimientu de reivindicación identitariu, cultural y llingüísticu que reivindica y vuelve salir a la cai cola bandera d’Asturies, la so organización más representativa llámase Conceyu Bable.
La transición: polémiquesy afitamientu del símbolu
- La bandera va asumiéndose pasu ente pasu na sociedá, pero la presencia de la cruz nun gusta en dalgunos sectores a la izquierda de la FSA-PSOE. Col tiempu supérase esi conflictu. Son munches les banderes que se cuesen dende la militancia política de Conceyu Bable. En 1978 la Diputación d’Asturies encarga un informe y una amuesa a una fábrica de toldos, qu’entá se conserva nel Archivu d’Asturies.
La oficialización de la bandera- L’Estatutu d’Autonomía d’Asturies de 1981 afita la bandera como oficial: Art. 3.1,«La bandera del Principáu d’Asturies ye la tradicional cola Cruz de la Victoria en mariellu sobre fondu azul»
-
La Llei 4/1990 afita toles sos característiques y usos: https://www.boe.es/…/1991/BOE-A-1991-3217-consolidado.pdf
- La bandera ta dende entós afitada dafechu na sociedá, como una de les más conocíes, queríes y tresversales de les comunidaes autonómes.
Prohibiciones- Magar la so tresversalidá entá hai espacios nos que xenera problemes usar la bandera asturiana. En 2015 la deportista Rocío Gamonal foi multada por celebrar cola bandera asturiana un ésitu deportivu.
25 de mayu, Día de la Bandera d’Asturies- Tres munchos años nos que’l 25 de mayu, reivindicáu por una parte del asturianismu como Día d’Asturies frente al 8 de setiembre, yera una celebración de pequeños colectivos, el presidente @AdrianBarbon convierte esta simbólica fecha, nel Día de la Bandera d’Asturies, cola celebración d’un actu institucional añal dende 2021.
- ¿Quies saber más? El @GobAsturias tien una páxina con más info:
