- Alborecemos ente’l borrín y la nublina na fastera central asturiana, tando escampláu nel restu con unes temperatures que tan alrodiu de los 17ºC, rexistrándose nel puirtu Payares 16,6ºC.
- Güei una vegada que se dixebren los borrinos y nublines del alborecer vamos tener el cielu poco nuboso, surdiendo pela tarde dalgo de nubosidá de desendolque que pue dexanos dellos xarabatos de calter tormentosu dispersos ya ocasionales con unes temperatures que van camudar poco, algamándose los 30ºC nel interior asturianu y temperatures más contenies pela costa por mor de les brises marines.
- Mañana sábadu la nubosidá baxa sedrá la protagonista col cielu prietu y dalgo d’orpín pela mañana anque nun sedrá nin abondosu, nin xeneralizáu con unes temperatures másimes en bultable descensu quedando les mismes ente los 20-22ºC. L’aire sedrá de componente norte sele en xeneral.
- El domingu paez que tendremos nubes ya claros o abancios, sobre too nes hores centrales del día con unes temperatures que tornen a subir.
