“Asturies, memoria celta” ye, quiciabes, el númberu de los Cartafueyos al que más ciñu-y tenemos, tanto por ser col qu’entamamos la coleición, nun yá llonxanu 1998, como pol so conteníu: ye’l catálogu de la esposición del mesmu nome entamada pol daquella Conceyu d’Estudios Etnográficos Belenos. Ye un percorríu diacrónicu y sincrónicu pel devenir hestóricu d’Asturies y peles manifestaciones económico-culturales que nel llargu procesu d’adaptación al mediu natural foi a iguar esta comunidá humana qu’anguañu se conoz como pueblu asturianu. Artículu
- La documentación y ellaboración del catálogu ye de Belenos ya Ignaciu Llope y Xosé Nel Riesgo encargáronse de la coordinación de los testos.
- Reseña bibliográfica: VVAA (1998): Asturies, memoria celta. Colección “Cartafueyos de Belenos”, nº 1. Conceyu d’Estudios Etnográficos Belenos, Uviéu; 88 pp.
