Proponémosvos una ruta poles xeladeríes y confiteríes colos meyores xelaos artesanos d’Asturies. El branu n’Asturies sabe a xeláu. Y si ye artesanal, muncho meyor. En cucuruchu, tarrina o copa, les xeladeríes y confiteríes asturianes apuesten cada vez más por recetes artesanes ellaboraes con mimu y materies primes calidable.
Dende sabores clásicos como’l xeláu de chocolate o fresa, hasta más innovadores como’l xeláu d’arroz con lleche o de pantera rosa, les propuestes son infinites. La llista de xelaos artesanos asturianos inclúi opciones como xelaos veganos, xelaos ensin gluten y xelaos ensin lactosa, por que naide quede ensin probar los meyores xelaos artesanos d’Asturies del branu.
Turrones y xelaos Coppelia
Si busques xelaos artesanales en Xixón, Turrones y Xelaos Coppelia ye una parada imprescindible. Allugada en plenu centru de la ciudá, esta xeladería con obrador propiu ellabora acaldía los sos xelaos de forma tradicional, con ingredientes calidable y muncho mimu.
En Coppelia puedes esfrutar de cucuruchos, tarrines y copes elegantes, tanto nel so atopadizu interior como na popular Terraza de Mayca, perfecta pa saborguiar un bon xeláu nos díes de branu n’Asturies.
La variedá ye otru de los sos puntos fuertes: dende sabores clásicos como turrón o chocolate, hasta propuestes irresistibles como Kinder o Nube, que trunfen ente los más pequenos. Amás, ellaboren turrones artesanos mientres tol añu, ideales pa regalar o llevar como recuerdo si tas de visita en Xixón.
Tradición, sabor y calidá dan la mano nuna de les xeladeríes más emblemátiques d’Asturies.
- Plaza Seis d’Agostu, 9 Xixón / Teléfonu: 985 34 71 71 / www.turronescoppelia.com
Camilo de Blas
Esta confitería d’Uviéu ye conocida por ser la ceadora del Carbayón, un duce emblema de la ciudá que se convirtió en postre típicu d’Asturies y que puedes esfrutar na so versión xelada.
Ellaboraos nel so obrador con ingredientes escoyíos y recetes propies, ente les sos especialidaes rellumen dos creaciones úniques: el bombón de crema xelada de carbayón cubiertu de carambelu saláu, una delicia que funde lo clásico colo innovador, y el bombón de crema xelada de carbayón cubiertu de chocolate con lleche y almendra Marcona, que combina testura y dulzura col sabor tradicional asturianu.
- Uviéu: C/ Xovellanos, 7 / Xixón: C/ Cuadonga, 25 / www.camilodeblas.es
Xelaos artesanos Alvisán
Allugada na cai Ramón Sotu, Xelaos Alvisán convirtióse nun referente del branu en Ribesella. Esta xeladería artesanal d’Asturies destaca pola calidá de los sos productos, ellaboraos con mimu, recetes tradicionales y una cuidada selección d’ingredientes.
Amás de los sos clásicos cucuruchos y tarrines, Alvisán sospriende con formatos pensaos pa compartir: tartes xelaes, bombones, barres y tarrines familiares pa llevar a casa. Pero la so especialidá más innovadora ye’l Brioche caliente rellenu de xeláu, una deliciosa combinación de testures y temperatures que conquista a tol que la prueba.
Con opciones de xelaos ensin gluten y ensin lactosa, cucuruchos ensin gluten y opciones calentines como gofres de Lieja, Xelaos Alvisán ufierta una esperiencia inclusiva y sabrosa pa tolos públicos.
- C/ Ramón Sotu s/n (Parada de taxis), Ribesella / Teléfonu: 611 47 18 03
- Instagram: @heladosalvisan
Islandia Heladería en Xixón
Si tas en Xixón esti branu, una visita a la Xeladería Islandia ye imprescindible. Asitiada ente’l Conceyu y l’escalera 2 de la sablera de San Llorienzo, esta xeladería lleva décades siendo un referente en xelaos artesanales n’Asturies.
Tolos sos xelaos y tartes ellaborarense nel obrador propiu del local, con lleche asturiano d’alta calidá y productos de kilómetru cero, ensin conservantes nin colorantes añedíos.
Amás de sabores clásicos y propuestes orixinales como’l xeláu de Pantera Rosa, la Xeladería Islandia destaca poles sos especialidaes asturianes: xeláu d’arroz con lleche, sidra, quesu Cabrales, pistachu saláu y asturcilla. Tamién vas atopar polos ellaboraos con fruta natural, opciones veganes y xelaos aptos pa celíacos.
El so local, con decoración vintage inspirada na América de los años 50 y un inconfundible toque raxón, convida a sentase y esfrutar. Yá sía pa tomar un café con tarta, una acopa de xeláu o a cencielles pa relaxase na so terraza, Heladería Islandia ufierta una esperiencia auténtica nel corazón de Xixón.
- Calle San Antonio, 4 Xixón / 985 35 07 47 / Horariu: de 12.30 a 00.30 hores /
- @heladeriaislandia / Facebook: @heladeriaislandiaxixon
