El Gobiernu portugués apuesta por erradicar l’usu de los móviles nos primeros ciclos d’educación, dempués de comprobar los efectos positivos que tien sobro l’amenorgamientu de la violencia y l’aumentu de la socialización ente los alumnos. A partir del próximu cursu, los móviles van tar prohibíos nes aules del primera y segundu ciclu (equivalente a la primaria española, dende los 6 a los 12 años), tanto nos centros públicos como nos privaos, y va dexar de ser xuna decisión discrecional de cada colexu, como asocedía hasta agora.
N’España, la situación varia según les comunidaes autónomes, anque l’encamientu del Conseyu Escolar d’Estáu dende 2024 ye la de vetalos totalmente en primaria y dexar solo l’usu con fines pedagóxicos o médicos en secundaria.
La decisión ta asitiada na esperiencia directa reparada esti cursu nos centros educativos. Va un añu’l Gobiernu dirixió xuna serie d’encamientos a los colexos sobro l’usu de teléfonos, que variaba según el ciclu, dende la prohibición total hasta los 12 años a les restricciones ente 12 y 18 años. Nos últimos cursos de secundaria proponíase implicar a los alumnos na ellaboración de normes d’usu. En mayu, casi a la fin del cursu, realizóse xuna encuesta ente el directores de los colexos pa evaluar l’impactu de les midíes qu’adoptaren na convivencia y la rutina escolar. La resultancia foi atayante y evidenció un descensu notable del acoso escolar, la indisciplina y les engarradielles naquellos centros onde se vetó l’usu de los teléfonos.
