Entama otru fin de selmana con conciertos de folk y música tradicional, pero tamién con canción d’autor y una pizca de punk. Musicasturiana.com
Pal oriente, en Parres, vamos poder esfrutar del espectáculu Tradicionando na Casa de Cultura de Les Arriondes, a les 20.00h, y pal occidente, tenemos CICADE n’A Veiga, col conciertu de Nuberu a les 22.00h nel Parque de Medal.
El sábadu 2, en Xixón van tocar Ferla Megía a les 19.00h na Plaza Periodista Arturo Arias, y Héctor Braga col so conciertu Rabilando, a les 20.30h nel patiu del CCAI. Tirando dirección oeste, paramos en Cuideiru nel XXIII Mercáu Vaqueiru, onde van actuar La Ciudá Nel Mar a les 20.00h. Yá pal domingu 3, será’l turnu del Grupu de Baile de Cuideiru, Arduriu Pixuatu y Les Pandereteres de Somiedu. Siguimos hasta Navia, onde van tar Herbamora, a les 20.00h dientro del Festival de la Sidra, y llegando a A Veiga, tenemos la II Muestra de asturianada del CICADE, a les 12.30h nel Parque de Medal.
Pa la parte occidental, un conciertu d’Ochobre en La Traviesa (L’Infiestu) a les 20.00h y la XXXII Muestra de Tonada Asturiana en Llanes, en Porrúa, a les 20.00h, completen la programación del sábadu.
Llegamos al domingu 3, y volvemos a Xixón, onde’l Arcu Atlánticu ufiértanos un Desfile Tradicional del día d’Asturies qu’entama a les 12.00h na Plaza Mayor, una Xira del Día d’Asturies a las 13.00h en La Atalaya, con puya’l ramu, danza prima y deportes autóctonos, amás del I Alcuentru de Coros Xóvenes del Norte d’España, que sigui a les 19.00h na Colexata de San Juan bautista.
Nel CICADE el domingu ye’l turnu de Nacasa Trío, a les 12.30h na Casa de Cultura d’A Veiga. Pa la zona centro, n’Uviéu, vamos poder esfrutar de Picarós nel Kuivi Plaza, a les 21.00h, y en Ribeseya, de la Bandina Los Muíles, a les 20.00h en Tereñes.
