Les propuestes de comunicaciones científiques pueden unviase al corréu electrónicu oficial del congresu: bibliast@asturias.org L’eventu entámase como espaciu de reflexón y actualización pa profesionales, investigadores y entidaes vinculaes al patrimoniu bibliográficu y documental asturianu. Actualidá Asturies
La Conseyería de Cultura, Política Llingüística y Deporte del Principáu d’Asturies anunció la celebración del III Congresu de Bibliografía Asturiana, que se va facer n’Uviéu del 16 al 18 d’abril del 2026.
Esti alcuentru científicu y cultural supón la reactivación d’una iniciativa que tuvo les primeres ediciones en 1989 y 1999, y qu’agora vuelve entamase cola mira d’examinar, evaluar y investigar los cambeos tan fondos qu’hubo nel accesu a la cultura al traviés de biblioteques, archivos y centros d’información.
El Congresu va articulase alredor de trés bloques temáticos, pa los qu’una comisión científica ta trabayando en definir los criterios de presentación de les comunicaciones, que se van dar a conocer d’equí a poco:
– Estudios sobre bibliografía asturiana
– Desenvolvimientu de los servicios d’información n’Asturies
– La edición y distribución n’Asturies
La conseyería abrió’l plazu de presentación de propuestes de comunicaciones científiques, que van poder unviase al corréu electrónicu oficial del Congresu: bibliast@asturias.org
Esti eventu entámase como un espaciu de reflexón y actualización pa profesionales, investigadores y entidaes vinculaes al patrimoniu bibliográficu y documental asturianu, amás de pa toes aquelles persones interesaes nel presente y futuru de la cultura escrita n’Asturies.
