Igualdad convoca una nueva edición del Premiu ‘Amparo Pedregal’ para trabayos lliterarios y d’investigación feminista. El galardón, dotáu con 5.000 euros, reconoz una obra poética y un ensayu con 2.500 euros cada unu. El 5 de setiembre remata’l plazu para presentar candidatures a esti certame que rinde homenaxe a la historiadora y profesora de la Universidá, referente del feminismu académicu n’Asturies. Actualidá Asturies
El Gobiernu d’Asturies convocó una nueva edición del Premiu Amparo Pedregal, que busca reconocer y espublizar obres lliteraries de ficción realizaes por muyeres y trabayos d’investigación con perspectiva de xéneru.
La convocatoria, impulsada pola Conseyería de Presidencia, Retu Demográficu, Igualdá y Turismu al traviés del Institutu Asturianu de la Muyer, cuenta con una dotación de 5.000 euros, partíos en dos galardones de 2.500 euros cada unu:
• Llínea primer: empobinada a autores d’obres lliteraries na modalidá de poesía, a títulu individual o colectivu. Van Poder allegar muyeres mayores d’edá, nacíes o con residencia nel Principáu d’Asturies, según descendientes hasta segundu grau de la emigración asturiana.
• Llínea segunda: destinada a trabayos d’investigación inéditos con perspectiva de xéneru, rellacionaos cola igualdá ente muyeres y homes. Tamién van poder participar persones mayores d’edá nacíes o residentes n’Asturies, o descendientes hasta segundu grau de la emigración asturiana.
“El Premiu Amparo Pedregal ye una apuesta pol pensamientu críticu, pola conocencia que tresforma y pola memoria de quien, como Amparo, abrieron camín na Universidá, nel Derechu y nel feminismu”, sorrayó la directora xeneral d’Igualdá, María Jesús Álvarez.
Nel casu de la llínea d’investigación, los trabayos tendrán de ser orixinales, non publicaos nin premiaos primeramente, con una estensión máxima de 350 páxines. El xuráu, designáu pol Institutu Asturianu de la Muyer, va valorar especialmente’l rigor metodolóxico, l’aportación a la meyora de la conocencia en materia d’igualdá y l’aplicabilidad de les resultancies.
El plazu de presentación de candidatures va permanecer abiertu hasta’l 5 de setiembre de 2025, incluyíu, al traviés de la see electrónica del Principáu d’Asturies.
Esti premiu rinde homenaxe a la historiadora y profesora Amparo Pedregal, referente del feminismu académicu n’Asturies, que desenvolvió una intensu llabor en favor de los derechos de les muyeres y que’l so legáu sigue siendo clave nos ámbitos de la coeducación, el derechu antidiscriminatorio y el pensamientu feminista.
Les bases completes de la convocatoria pueden consultase nel siguiente enllaz: https://goo.su/VD5phj
