Nueva asignatura para los estudiantes asturianos: cultura sidrera (porque la sidra «nun ye solu alcohol»). «Forma parte del Patrimoniu de la Humanidá y hai que inculcarle esa esencia a los neños», defenden les conseyeres d’Educación y Salú énte les crítiques de los pediatras por fomentar el consumu d’alcohol. LNE
La introducción de la cultura sidrera nel currículum docente de los colexos asturianos, anunciada n’agostu pol Principáu, abrió un intensu alderique sobro la ética y la conveniencia de treslladar al ámbitu educativu la bébora más emblemático de la rexón, que nun dexa de ser un productu con seis graos d’alcohol.
La midida, presentada pola vicepresidenta, Gimena Llamedo, y la conseyera de Cultura, Vanessa Gutiérrez, contempla non solo la incorporación de conteníos sobro la sidra nel currículu escolar, sinón tamién la edición de materiales didácticos, ayudes a la producción, la restauración de llagares tradicionales y un mayor protagonismu de la sidra y los sos derivaos n’actos institucionales. «Ye un documentu vivu, un puntu de partida», señalaron nel so momentu les responsables autonómiques.
