Lletres y melodíes tradicionales mézclense cola estética sonora del dance nesti nuevu cenciellu con videoclip.
Tres la so presentación el pasáu vienres na Casa de Cultura de Bimenes, yá ta en YouTube el cenciellu ‘Miniru‘, un remix de DJ Nadal d’un tema d’El Corriellu La Pandorga. La canción parte del primer tema del trabayu discográficu “De Bimenes”, editáu en 2009 pola asociación El Corriellu La Pandorga y qu’algamó éxitos pola so recopilación de cantares tradicionales asturianos de la zona yerbata y arredores. Nesta ocasión, les lletres y les melodíes asturianes dánse la mano colos soníos modernos mezclaos por DJ Nadal n’un remix d’aires ellectrónicos qu’avera a les pistes de baille la tradición asturiana.
El Corriellu La Pandorga ye una asociación cultural de Bimenes volcada na recopilación y difusión de la tradición oral asturiana y n’especial de Bimenes y zones cercanes. El discu “De Bimenes” recopiló en 2009 más de diez años d’investigación etnomusicolóxica centrada na conservación del patrimoniu cultural y musical. Dende entoncies, l’asociación, xuntu col grupu musical y escuela de música tradicional Los Yerbatos de Bimenes continuaron difundiendo la cultura asturiana.
DJ Nadal (Bimenes, 1996) es músico y DJ. Comenzó su andanza musical precisamente en El Corriellu La Pandorga a los 6 años de edad cantando junto con su abuela, que formaba parte del grupo. Nadal cursó formación en instrumentos musicales tradicionales, pop y clásicos que le han llevado a formar dedicación en hacer de la música un puente que una generaciones, como así intenta transmitir en sus actuaciones de DJ y sus producciones musicales.
DJ con raigañu
DJ Nadal (Bimenes, 1996) ye músicu y DJ. Comenzó la so andadura musical precisamente n’El Corriellu La Pandorga a los 6 años d’edá, cantando xunto cola so güela, que formaba parte del grupu. Nadal cursó formación n’instrumentos musicales tradicionales, pop y clásicos que lu llevaron a dedicase a facer de la música una ponte que xune xeneraciones, como así intenta tresmitir nes sos actuaciones de DJ y sos producciones musicales.
