- 11.h.
“Menudu traxín”, delantre l’ayuntamientu. Xuegos pa neñes y neños col Prau Llerón. Mercáu cola Banda Gaitas Conceyu de Grau. - 13 h. Plaza Los Dolores. “Indumentaria 2025, Concursu y Muestra de traxes tradicionales asturianos”, cola música d’Octavio Trapiella y Dolfo Fernández. Y n’acabándose van armar una danza na plaza l’Ayuntamientu toles persones que vistan traxe’l país.
- 17 h. Plaza’l Mercáu. ”Baille asturianu”
Ramsés Ilesies y Xosé A. Fernández «Ambás». La Flor de Grau Roge Feito y Clarita Braña Sergio Catalán y Lolo Catalán Rellume Muyeres por Grau Santi Galguera y la collaboración del Grupu Etnográficu l’Oriente.- https://indumentaria.com.es/wp-content/uploads/2025/05/00-ganadora.jpg
- https://indumentaria.com.es/wp-content/uploads/2025/05/00-ganador.jpg
El domingu 28 de setiembre va ser un día dedicáu al traxe’l país, onde’l nuestru paxellu tradicional tenga’l protagonismu que merez, porque, anque siempre ta presente en toles celebraciones asturianes, ye de xusticia que tenga una fiesta propia: un día pa vistir, llucir y vivir el traxe.
El programa d’actividaes d’Indumentaria 2025 va arrancar a les diez de la mañana con música tradicional. Convidamos a tola xente a que vista reproducciones de los traxes asturianos del país del s. XIX pa enllenar la villa de Grau, y el so mercáu, entamando una fiesta que ye reivindicación de la cultura asturiana onde se pueda ver y enseñar la nuestra ropa tradicional.
Tamién el domingu 28 de setiembre, na Plaza los Dolores de Grau, a les 13:00 hores, va facese Indumentaria 2025, en Novenu Concursu de Traxes Tradicionales Asturianos. Van poder participar, inscribiéndose nesta web del 1 al 22 de setiembre, homes y muyeres pa llucir el traxe’l país.
Ye importante precisar qu’Indumentaria nun ye un certame de guapura física, ye un concursu onde se va valorar que les persones se vistan con xeitu y fachenda según les fontes documentales que se conocen, reproduciendo la manera de vistir de los asturianos de mediaos del sieglu XIX. Cada persona proyecta la so manera de ser na ropa que viste: esa ye la riqueza.
Indumentaria naz pa que se valoren los traxes tradicionales asturianos, pa difundir el conocimientu de la nuestra ropa tradicional, pa promover la escelencia nel vistir y na confección de prendes tradicionales que son reproducciones de les documentaes como traxe’l país. Indumentaria quier ser tamién un estímulu y un reconocimientu a les persones que fueron faciendo paxellos con aciertu y fidelidá a la tradición asturiana.
Nesti certame, un xuráu cualificáu, plural y independiente va repartir 900 euros en premios. Indumentaria ye un concursu qu’espera la vuestra participación. Podéis consultar les bases en: indumentaria.com.es/bases
