LNE /
Los horros y paneres tienen futuru n’Asturies: el problema ye que nun se sabe cuántos hai nin cómo afaelos a les nueves necesidaes rurales. Magar ser un patrimoniu cultural vivu y popular desconozse cuántos d’estos grandes almacenes del campu precisen especial protección. La protección de los horros y paneres tien subvenciones pero non criterios d’usu.
Anguaño la collecha de pataques foi pequena. Amás, diz Encarna, que la ensuga del branu dexales «daqué ruines». Cumplió 83 años y caltien la fesoria ensin tremecer. Sigue ensin tarrece-y a los trés gradies de piedra ensin pasamanes que-y dexen a la puerta del horru, nin siquier los díes d’agua. Xúbise cargada con una bolsa de venti quilos acabante collechar. Va y vien delles vegaes al día, para garrar material para cocinar. Tienlo cerca de la so casa, en Yernes.
