Cartelu / Cultura apurre’l llunes el XXIV Premio ‘Emilio Alarcos’ de Poesía nun actu nel que se va rindir homenaxe al filólogu con un recital poéticu. Sergio García Zamora va presentar la so obra galardonada en 2024, El pan y la palabra. Actualidá
La Conseyería de Cultura, Política Llingüística y Deporte va apurrir el llunes el premiu nun actu nel que se va rindir homenaxe al filólogu con un recital poéticu. L’eventu va tener llugar a les 17:30 hores na see del Real Institutu d’Estudios Asturianos (Ridea), n’Uviéu, con entrada llibre hasta completar l’aforu.
Alfonso Brezmes llogra’l XXIV Premiu “Emilio Alarcos” de Poesía 2025 cola obra «El don de la tristeza». El xuráu pon en valor “un llibru orgánicu, bien estructuráu que s’ubica na estela de la meyor poesía comunicativa”. El premiu promovíu pola Conseyería de Cultura, Política Llingüística y Deporte ta dotáu con 6.200 euros y la publicación de la obra ganadora.
L’escritor Alfonso Brezmes Martínez de Villareal (Madrid, 1966) consiguió’l XXIV Premiu Emilio Alarcos de Poesía 2025 cola obra El don de la tristeza, al imponese por mayoría na votación final a los otros testos qu’optaben al gallardón. A la presente edición concurrió un total de 29 poemarios.
L’autor, abogáu del estáu, publicó títulos como La noche tatuada (2013), Don de lenguas (2015), Ultramor (2017), Vicios ocultos (2019), l’antoloxía billingüe Marginal Notes (Cornerstone Press, 2020) y Sed (2020)
El xuráu valoró la obra por tratase de “un llibru orgánicu, bien estructuráu que s’ubica na estela de la meyor poesía comunicativa, atractivu, con bon oyíu pa la métrica tradicional. Pese al fondu señardosu poseye desenfadu formal y tonal, non exentu d’encantu.”
El poeta y académicu de la Real Academia de la Historia, Luis Alberto de Cuenca, actuó como presidente y portavoz del xuráu. Los vocales fueron Josefina Martínez, directora de la Cátedra Alarcos de la Universidá d’Uviéu; Luis García Montero, director del Institutu Cervantes; Olvido García Valdés, Premiu Nacional de Poesía; Carlos Marzal, Premiu de la Crítica y Nacional de Poesía; Araceli Iravedra, catedrática de la Universidá d’Uviéu y Jesús García Sánchez, llibreru, editor y impulsor de la prestixosa Colección Visor de Poesía. Como secretariu del xuráu actuó Carlos Gil, Xefe del Serviciu d’Acción Cultural.
Per parte del Gobiernu d’Asturies, participó’l director xeneral d’Acción Cultural y Normalización Llingüística, Antón García, que presidió l’actu nel que se fizo públicu’l fallu y se presentó, de la mano del poeta Javier Almuzara, la obra El pan y la palabra, del autor Sergio García Zamora, ganadora de l’anterior edición.
El premiu, otorgáu pola Conseyería de Cultura, Política Llingüística y Deporte, ta dotáu con 6.200 euros y la publicación de la obra ganadora.
La Conseyería de Cultura, Política Llingüística y Deporte va entregar el llunes el XXIV Premiu «Emilio Alarcos» de Poesía nun actu que va incluyir un recital poéticu n’homenaxe al filólogu. La cita va ser a les 17:30 hores na sede del RIDEA, n’Uviéu, con entrada llibre hasta completar aforu.
Nel marcu del actu va lleese’l fallu del xuráu y el poeta asturianu Javier de Almuzara va presentar la obra ganadora de la edición de 2024, El pan y la palabra, del cubanu Sergio García Zamora, que tamién va tar presente.
Como ye habitual, va celebrase un recital poéticu en memoria d’Emilio Alarcos coles intervenciones de los miembros del xuráu: presidíu por Luis Alberto de Cuenca y formáu por Josefina Martínez Álvarez, Luis García Montero, Carlos Marzal, Araceli Iravedra, Olvido García Valdés y Jesús García Sánchez, con Carlos Gil de Gómez como secretariu.
Como n’otres ocasiones, va celebrase tamién un recital poéticu n’honor a Emilio Alarcos, nel que van participar los integrantes del xuráu, que ta presidíu pol poeta y ensayista Luis Alberto de Cuenca, y compuestu por destacaes figures del ámbitu lliterariu y académicu: Josefina Martínez Álvarez, Luis García Montero, Carlos Marzal, Araceli Iravedra, Olvido García Valdés y Jesús García Sánchez. Actúa como secretariu Carlos Gil de Gómez.
Esti premiu, convocáu añalmente pola conseyería, reconoz obres orixinales ya inédites escrites en castellán, con una estensión mínima de 500 versos, y cuenta con una dotación económica de 6.200 euros. El galardón rinde homenaxe al académicu Emilio Alarcos Llorach, figura clave de la llingüística y la crítica lliteraria n’España.
Esta reconocencia forma parte del compromisu del Gobiernu d’Asturies cola promoción de la cultura y el pensamientu críticu, nuna redolada que celebra la palabra como ferramienta d’espresión, reflexón y tresformamientu social.
El galardón rinde homenaxe al académicu Emilio Alarcos Llorach, figura clave de la llingüística y la crítica lliteraria n’España.
