▶️ Nel día de güei presentamos el cartelu anunciador del Festival de l’Ablana y del Mercáu Tradicional de Mestres. Nel actu tuvieron presentes l’autor del cartelu, Enrique Carballeira; la Teniente Alcalde, Patricia Ferrero; la Conceyala de Cultura, Azucena Iglesias; el Conceyal d’Obres, Armando Gutiérrez, y l’Alcalde, Iván Allende.
👉🏼 Amás de presentar el cartelu, anuncióse que’l vienres, 3 d’ochobre, van apregonar el Festival el personal d’Ayuda a Casa del Conceyu de Piloña, y los Paisanos del Añu van ser Alicia Rivera Blanco y Javier Llavandera Cantora, quien van recoyer les distinciones nel mesmu actu oficial previu al domingu de l’Ablana.
👉🏼 El cartelu afigura una escena típica amestada a la recoyida de les ablanes. Dellos vecinos mesen les ablanares para recoyer el frutu, estampa habitual en Piloña mientres les selmanes previes a la celebración del eventu tradicional. D’ente les propuestes presentaes por Carballeira, ta foi la que recibió un sofitu prácticamente unánime per parte de los responsables municipales.
Del 1 al 20 d’ochobre, Piloña enllenase de tradición, música, sabor y muncha fiesta. Esfruta d’actividaes para tola familia:
- Mercáu Tradicional de Mestres
- Desfiles y bandes de gaites
- Venta y degustación d’ablanes
- Conciertos y actuaciones musicales
- Concursos ganaderos y feria de maquinaria
- Deporte, xuegos, espectáculos y muncho más
