Ta presentándose la emisión n’#asturianu de la serie infantil L’Abeya Maya en @RTPAOficial. Un trabayu de doblaxe de Cuatro Gotes Producciones nel que tenemos la suerte de cuntar con un equipazu. Mañana sábadu a les 10:00 hores en TPA!
Maya ye una abeyina como nenguna otra, inconformista y siempre naguando por aventures, dexó’l truébanu pa vivir nel prau, llibre como una abeya. El mundu ye demasiao grande y fascinante pa permanecer confinada a la vida zarrada del truébanu. Con esti espíritu atrevíu, Maya y el so amigu Willy viven una montonera d’aventures xunto a los demás animalinos del prau nel que viven.
A partir del sábadu 11 d’ochobre, la cadena va ufiertar una franxa infantil selmanal dende les 09:00 hores, con espacios qu’espliquen, formen, entretienen y promueven l’usu de la llingua asturiana dende’l públicu preescolar.
Como gran novedá, TPA estrena, a les 10:00 hores, la versión n’asturianu de L’abeya Maya, ún de los clásicos más prestosos de l’animación infantil, qu’anguaño celebra’l so 50 aniversariu.
Cada sábadu pela mañana van emitise dos capítulos nuevos, nos que pela primer vez vamos sentir a Maya y a los sos amigos falar n’asturianu.
- L’estrenu va producise mañana a les 10h y, cada sábadu, van emitise dos capítulos nuevos hasta completar un total de 52.
La serie va poder siguise tamién al traviés de RTPA, nuna sección especial accesible dende cualquier dispositivu y ensin publicidá.
- D’equí p’arriba, cada sábadu pela mañana van emitise dos capítulos nuevos, nos que pela primer vez vamos sentir a Maya y a los sos amigos falar n’asturianu.
- La sintonía foi grabada pola cantante Silvia Quesada.
