Marcelino Marcos visita’l XXIV Festival del Choscu y VIII Festival de la Güerta de Tinéu. La producción de choscu de Tinéu batió un récor l’añu pasáu, al algamar los 74.492 kilos con indicación xeográfica protexida (IXP), según informó esti sábadu’l conseyeru de Mediu Rural y Política Agraria, Marcelino Marcos.
Na so visita al Festival valoró’l sofitu que se da dende’l so departamentu a los conseyos reguladores de los alimentos favorecíos por marques de calidá. Nel casu de la IXP Choscu de Tinéu, l’ayuda medró nesta llexislatura un 36%, hasta algamar esti añu los 56.840 euros pal control, la certificación y la promoción del embutíu.
